Sietka piceryj «Pica Lisica» šukaje čałavieka, jaki budzie atrymlivać hrošy za toje, kab kaštavać picu. Novaja vakansija hučyć jak mara amatara fastfudu — dehustatar picy, abo, jak jaho nazyvajuć u kampanii, pica-samielje, źviarnuŭ uvahu Onliner.by.
U abaviazki ŭvachodzić dehustacyja «šedeŭraŭ i nie tolki», acenka smaku, vyhladu i padačy, sistematyzacyja ŭražańniaŭ i navat pajezdki pa horadzie ŭ pošukach lepšych varyjantaŭ. Pracadaŭca abiacaje, što sapraŭdy «zapłacić za vaša zadavalnieńnie».
Kandydatu treba ŭmieć adroźnivać «smačna» ad «smačna da śloz», lubić fastfud, być naziralnym, sistemnym i z pačućciom pryhožaha.
Hrafik — piacidzionka z 10:00 da 18:00. Zarpłata — ad 1970 da 2320 rubloŭ (da vyliku padatkaŭ), plus źnižki na picu da 50% i bieźlimitny abaniemient u trenažornuju zału.
«My viedajem, što tabie budzie ciažka, tamu dorym tabie «anlim» u zału», — havorycca ŭ apisańni vakansii.
My źviarnulisia ŭ kampaniju «Pica Lisica», kab daviedacca, ci paśpieli jany zakryć vakansiju, ci jašče možna pasprabavać patrapić na hetuju pasadu.
— Što datyčycca našaj cikavaj vakansii: pošuk kandydataŭ na hetuju pasadu my pačali zusim niadaŭna — heta śviežaja vakansija, nabor adkryty, i ciapier my znachodzimsia na samym pačatku pošuku i adboru kandydataŭ. Adhukaŭ šmat, pakul zatrymlivajemsia z adkazami praz napłyŭ kandydataŭ.
Što čakaje kandydata, jaki projdzie ŭsie etapy adboru: treba budzie pradehustavać usie picy ŭ horadzie Minsku i dać im svaju acenku, a dalej, kali ekśpierymient siabie apraŭdaje, budziem dehustavać picy pa ŭsioj krainie i davać im paraŭnalnuju acenku, — raspaviała Julija, HR-dyrektar.
Ciapier čytajuć
Niaklajeŭ apublikavaŭ złabadzionny vierš. U im zhadvajecca i Kaleśnikava z Babarykam, i Cichanoŭskaja, i Prakopjeŭ z Paźniakom13
Niaklajeŭ apublikavaŭ złabadzionny vierš. U im zhadvajecca i Kaleśnikava z Babarykam, i Cichanoŭskaja, i Prakopjeŭ z Paźniakom
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?1919
Kamientary