Pajšoŭ u bankructva restaran, jaki naležaŭ siamji Zinhmana. Daŭhoŭ bolš čym na miljon dalaraŭ, a majomaści na 389 rubloŭ
U pačatku 2025 hoda ŭ Minsku zakryŭsia premium-restaran italjanskaj kuchni Falcone, jaki pracavaŭ na vulicy Karala. Ciapier jaho ŭładalnik — kampanija «ViestBałt» — aficyjna pryznanaja bankrutam. U dačynieńni da jaje ŭviedzieny achoŭny pieryjad, kab pravieryć infarmacyju pra finansavyja prablemy, piša Office Life.
Kampanija «ViestBałt» była stvorana ŭ 2005 hodzie. Spačatku jana naležała biełaruskaj firmie, ale ciapier jaje ŭłaśnik — polskaje sielskahaspadarčaje pradpryjemstva «Kantraktus». Realna za śpinaj farmalnych uładalnikaŭ stajała siamja Alaksandra Zinhmana — čałavieka, ciesna źviazanaha ź Viktaram Šejmanam apieracyjami ŭ Afrycy.
Sam restaran adkryŭsia ŭ 2007 hodzie i staŭ viadomy svajoj italjanskaj kuchniaj i haściami ź liku viadomych asob, u tym liku śpievakom Enrykie Ihlesiasam.
Časam u Falcone zaprašali šef-povaraŭ ź Italii, siarod ich byŭ navat uładalnik zorki Michelin — Damienika Akampora. Jon raniej pracavaŭ na takich mierapryjemstvach, jak Grammy i MTV Awards.
U mieniu restarana byli darahija stravy, naprykład, marski hrabieńčyk z kremam «Sielderej» za 110 rubloŭ abo jałavičyna «Vahiu» z sousam «Džek Deniełs» za 500 rubloŭ.
U studzieni 2025 hoda restaran spyniŭ pracu. Paźniej kampanija padała zajavu ab bankructvie ŭ Ekanamičny sud Minska. Pavodle dakumientaŭ, jana pavinna kredytoram 630 tysiač dalaraŭ i jašče kala 10,5 tysiačy rubloŭ, a taksama maje zapazyčanaść pierad rabotnikami — bolš za 1,4 miljona rubloŭ. Pry hetym jaje ŭłasnaja majomaść aceńvajecca ŭsiaho ŭ 389 rubloŭ.
Sud raspačaŭ spravu ab bankructvie i ŭvioŭ achoŭny pieryjad dla pravierki padadzienych źviestak.
Zakryćcio restarana Falcone u Minsku moža być źviazana z rasśledavańniem polskich žurnalistaŭ
Zakryvajecca adzin z samych darahich minskich restaranaŭ. Im kiravała siamja Zinhmana
«Ministr durań i šmat pje»: novaje rasśledavańnie pakazvaje maštab upłyvu biznesmiena Alaksandra Zinhmana
Biełaruskija biznesmieny pradstaŭlali na mižnarodnaj kanfierencyi Zimbabve
Ciapier čytajuć
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii3939
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii39
«Kali Rasija napadzie na NATO, Kalininhrad budzie źniščany ŭ pieršyja ž hadziny. Ale mohuć prajści dva tydni, pierš čym dadatkovyja siły prybuduć u Litvu» — hienierał Ben Chodžes2020
«Kali Rasija napadzie na NATO, Kalininhrad budzie źniščany ŭ pieršyja ž hadziny. Ale mohuć prajści dva tydni, pierš čym dadatkovyja siły prybuduć u Litvu» — hienierał Ben Chodžes20
«Niezaležnaść nie padaje ź nieba i nie dajecca nazaŭsiody. Jaje treba abaraniać». Cichanoŭskaja vystupiła z zajavaj da 35-hodździa pryniaćcia Dekłaracyi ab suvierenitecie5555
Kamientary
Vo zinhmany abuvajuć łachoú!
Udakładniu heta " biznes u rB" jaki dazvalajut Zinhmanu Dobkinu Šejmanu Knyroviču....čamuści?????Daheiul Boŕkie Bieriezoŭskamu Iośkie Kabzonu...i tancoru Esambajevu