Rasijskaja armija skancentravała kala Sumaŭ vialikuju hrupoŭku prykładna z 50 tysiač sałdat i znachodzicca za 20 kiłamietrach ad horada. U toj čas jak Donald Tramp praciahvaje kazać, što Pucin choča skončyć vajnu, rasijskija vojski bambiać ukrainskija harady rekordnaj kolkaściu dronaŭ i rakiet, a taksama sprabujuć arhanizavać novy nastup. Ale asnoŭnaja taktyka — heta vialikija masavyja ataki, pry jakich rasijanie stračvajuć šmat sałdat, piša The Wall Street Journal.
Paśla vyciskańnia ŭkrainskich vojskaŭ z Kurskaj vobłaści Rasija pierakinuła vialikuju hrupoŭku na Sumy, dzie jaje kolkaść utraja bolšaja za kolkaść ukrainskich abaroncaŭ. Hałoŭnaja stratehija praciŭnika — źniasilić abaroncaŭ kolkaściu sałdat, adznačaje kamandujučy USU Alaksandr Syrski.
Za apošni hod front pavialičyŭsia bolš čym na 160 kiłamietraŭ i ciapier maje daŭžyniu bolš za 1200 kiłamietraŭ. Kab utrymać situacyju pad kantrolem, ukrainskija siły dasłali pad Sumy śpiecpadraździaleńnie «Cimur», jakoje dapamohło spynić nastup i viarnuć častku terytoryi. Choć kolkaść praciŭnika vialikaja i Rasija stračvaje ad 300 da 400 čałaviek štodnia, jany ŭsio roŭna atrymlivajuć reziervy.
Akramia kolkaści sałdat, Rasija maje pieravahu ŭ bojeprypasach — artyleryjskich snaradach, rakietach i dronach. Jana značna pavialičyła vytvorčaść bieśpiłotnikaŭ i ŭ apošnija dni naniesła rekordny ŭdar pa ŭkrainskich haradach — zvyš 500 dronaŭ i rakiet za noč.
Ale, na dumku zachodnich analitykaŭ, hetyja pieravahi nie dazvolać rasijskaj armii zrabić vyrašalny praryŭ letam, bo front vielmi składana kantralavać, a ŭkrainskaja artyleryja i drony mocna ŭskładniajuć nastup rasijan.
Za padpisku na kanały treš-błohiera Mełstroja ciapier buduć karać8
Za padpisku na kanały treš-błohiera Mełstroja ciapier buduć karać
«Narod pamiraje, i balnic nie treba. Hałoŭnaje prezidenckaja i deputackaja!!!». Što ludzi pišuć pra zakryćcio reabilitacyjnaha centra na Homielščynie1010
«Narod pamiraje, i balnic nie treba. Hałoŭnaje prezidenckaja i deputackaja!!!». Što ludzi pišuć pra zakryćcio reabilitacyjnaha centra na Homielščynie10
Były muž błohierki, jakaja razam z 17‑hadovym žanichom šykavała na sabranaje dla chvoraha dziciaci, raskrytykavaŭ tych, chto hetyja hrošy joj pieravodziŭ2222
Kamientary