Łukašenka: Biełarusi treba vajennaja mabilizacyja, kab utrymać ekanomiku krainy ŭ składanaj mižnarodnaj abstanoŭcy
«Hety i nastupnyja hady buduć vielmi składanymi i napružanymi», — tradycyjna zajaviŭ palityk.
Patrebna vajennaja mabilizacyja, kab utrymać ekanomiku krainy ŭ składanaj mižnarodnaj abstanoŭcy, zajaviŭ Alaksandr Łukašenka na naradzie z kiraŭnikami dypłamatyčnych pradstaŭnictvaŭ Biełarusi, piša BiełTA.
«Hety i nastupnyja hady buduć vielmi składanymi i napružanymi. Tamu papiaredžvaju ŭsich prysutnych, u pieršuju čarhu słužbovych asob, jakija zajmajucca ekanomikaj. Nie kryŭdujcie, ale cisk i patrabavańni ŭ suviazi z hetym buduć tolki pavyšacca. Nie tolki padčas vajny i padčas vajennych dziejańniaŭ davodzicca mabilizavacca, ale i ŭ mirny čas.
Ličycie, što my žyviom u vielmi składany mirny čas, kali patrebna vajennaja mabilizacyja. Chaču, kab usie heta zasvoili. Patrebnyja žorstkija, časam nietradycyjnyja mietady pracy. Ale ekanomiku krainy treba ŭtrymać. Heta niaprosta pry toj lichamancy, jakaja prysutničaje na mižnarodnych rynkach, u hłabalnaj ekanomicy», — skazaŭ Łukašenka
«Tamu tolki napierad, nijakich tłumačeńniaŭ. Niama vyniku — prabačcie, vas tam niama», — padkreśliŭ jon.
Kamientary
Biez tiebia.
Svali ty užie.