Cichanoŭskaja ŭraziła Miełkaziorava adkazam na pytańnie, kali apošni raz była ščaślivaja
«Jak vy z hetym žyviacie?» — «Voś tak i žyvu».
U intervju dla jutub-kanała «Žyćcio-malina» Mikita Miełkazioraŭ pacikaviŭsia ŭ Śviatłany Cichanoŭskaj, kali jana apošni raz adčuvała siabie absalutna ščaślivaj.
«Ja zaraz vam nie skažu, ale heta było da 2020 hoda», —adkazała Cichanoŭskaja, vyklikaŭšy vialikaje ździŭleńnie ŭ viadučaha, jaki ŭ svaju čarhu pacikaviŭsia, jak jana z hetym žyvie.
«Voś tak i žyvu».
«Ź Siarhiejem vy taksama nie byli absalutna ščaślivymi, kali jon viarnuŭsia?» — pierapytaŭ Miełkazioraŭ.
«Nie. Ja nie mahu adčuvać poŭnaha ščaścia, pakul kožny čałaviek nie moža hetaje ščaście sa mnoju padzialić. Ja navat vinu adčuvała, kali vypuścili Cichanoŭskaha. Bo heta vyhladała, jak byccam voś tvoj rodny viarnuŭsia, ty možaš jaho abniać, a tam niedzie płačuć dzieci biez svajho taty, biez mamy. Hety ciažar, jon nikudy nie dzieŭsia.
Ja, viadoma, vielmi radaja, što Siarhiej pobač, što jon moža abdymać ludziej. Ale heta takoje ščaście… Ty nie možaš atrymać asałodu ad jaho, tamu što ciažaram visiać jašče bolšyja niaščaści», — patłumačyła Śviatłana.
Ciapier čytajuć
Palčys zajaviŭ, što heta jon kaardynavaŭ pratesty 2020 hoda ź Minska i pisaŭ płany pieršych maršaŭ72
Palčys zajaviŭ, što heta jon kaardynavaŭ pratesty 2020 hoda ź Minska i pisaŭ płany pieršych maršaŭ
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich2121
Kamientary