Ціханоўская ўразіла Мелказёрава адказам на пытанне, калі апошні раз была шчаслівая
«Як вы з гэтым жывяце?» — «Вось так і жыву».
У інтэрв'ю для ютуб-канала «Жыццё-маліна» Мікіта Мелказёраў пацікавіўся ў Святланы Ціханоўскай, калі яна апошні раз адчувала сябе абсалютна шчаслівай.
«Я зараз вам не скажу, але гэта было да 2020 года», —адказала Ціханоўская, выклікаўшы вялікае здзіўленне ў вядучага, які ў сваю чаргу пацікавіўся, як яна з гэтым жыве.
«Вось так і жыву».
«З Сяргеем вы таксама не былі абсалютна шчаслівымі, калі ён вярнуўся?» — перапытаў Мелказёраў.
«Не. Я не магу адчуваць поўнага шчасця, пакуль кожны чалавек не можа гэтае шчасце са мною падзяліць. Я нават віну адчувала, калі выпусцілі Ціханоўскага. Бо гэта выглядала, як быццам вось твой родны вярнуўся, ты можаш яго абняць, а там недзе плачуць дзеці без свайго таты, без мамы. Гэты цяжар, ён нікуды не дзеўся.
Я, вядома, вельмі радая, што Сяргей побач, што ён можа абдымаць людзей. Але гэта такое шчасце… Ты не можаш атрымаць асалоду ад яго, таму што цяжарам вісяць яшчэ большыя няшчасці», — патлумачыла Святлана.
Цяпер чытаюць
Віцебскі вядучы пажартаваў на закрытым мерапрыемстве. Праз дзве гадзіны да яго прыехала міліцыя праз данос8
Віцебскі вядучы пажартаваў на закрытым мерапрыемстве. Праз дзве гадзіны да яго прыехала міліцыя праз данос
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1414
Каментары