Cichanoŭskaja: Nielha dapuścić, kab ź Biełarusi źniali sankcyi biez vyzvaleńnia palitviaźniaŭ
Śviatłana Cichanoŭskaja ličyć, što Alaksandr Łukašenka moža pasprabavać vykarystać budučyja pieramovy pamiž prezidentam ZŠA Donaldam Trampam i prezidentam Rasii Uładzimiram Pucinym, kab pavialičyć svoj palityčny ŭpłyŭ. Na jaje dumku, dziela hetaha jon moža pajści, naprykład, na vyzvaleńnie palitźniavolenych abo źmiakčeńnie represij, piša «Pozirk».
Cichanoŭskaja padkreśliła, što ŭ pracesie hetych pieramovaŭ važna nie zabyć pra Biełaruś. Kali budzie abmiarkoŭvacca pytańnie źniaćcia sankcyj z Rasii, nieabchodna nie dapuścić aŭtamatyčnaha źniaćcia sankcyj i ź Biełarusi biez dadatkovych umoŭ dla režymu Łukašenki.
«Naprykład, kali budzie ŭzdymacca pytańnie źniaćcia sankcyj z Rasii, kab ź Biełarusi sankcyi nie źniali ciahničkom. Naša zadača — pakazać Biełaruś jak samastojnuju spravu, a nie apiendyks da Rasii, i adstojvać svaje pravy. Važna vyciahnuć z hetych pieramoŭ jak maha bolš, chacia b u pytańni vyzvaleńnia palitviaźniaŭ».
Śviatłana Cichanoŭskaja raskazała, što biełaruskija demsiły rehularna kaardynujuć svaje dziejańni z amierykanskimi partniorami i pieradajuć im svaje pazicyi.
Što da mahčymych pieramoŭ z Łukašenkam, to jana nahadała, što demsiły prapanoŭvajuć dyjałoh z 2020 hoda, ale režym razumieje jaho pa-inšamu: kali dla demakrataŭ heta dyjałoh z narodam dziela mirnaha tranzitu ŭłady, to dla ŭłady — kantakty ź inšaziemcami biez udziełu biełarusaŭ.
Tym nie mienš, Cichanoŭskaja ličyć, što prapanova pra dyjałoh moža stać aktualnaj u luby momant, a tamu važna być hatovymi da pieramoŭ i «kruhłaha stała».
Prapahandysty zapeŭnivajuć, što 196 palitviaźniaŭ užo na svabodzie9
Kamientary
A jak zdymać - to z tut užo u ich "Biełaruś nie apiendyks da Rasii", a "samastojnaja sprava", " i tamu "nieabchodna nie dapuścić aŭtamatyčnaha źniaćcia sankcyj i ź Biełarusi".
Pasadziŭ Łukašenka palitviaźniaŭ - "treba ŭvieści sankcyi".
Pačaŭ Łukašenka vypuskać palitviaźniaŭ (300 čałaviek vypuściŭ) - "treba ŭvieści sankcyi".
Dapamahaje Łukašenka Pucinu ŭ vajnie - "treba ŭvieści sankcyi".
Skončyłasia vajna - "treba ŭvieści sankcyi".
Źniali z Rasiei sankcyi - na Biełaruś "treba ŭvieści sankcyi".