Na sudnie ŭźnik pažar.
Dron atakavaŭ sudna Hrety Tunbierh u Mižziemnym mory padčas humanitarnaj misii da Hazy. Usie pasažyry zastalisia cełymi, piša News.com.au
22-hadovaja šviedskaja ekaaktyvistka Hreta Tunbierh razam ź mižnarodnaj Global Sumud Flotilla nakiroŭvałasia da siektara Haza, kab dastavić ježu i leki i pasprabavać prarvać izrailskuju błakadu. Fłatylija, što składajecca pryblizna z 20 sudnaŭ, adpraviłasia z Barsiełony na minułym tydni i płanavała prybyć u punkt pryznačeńnia ŭ siaredzinie vieraśnia.
Adnak pablizu ŭźbiarežža Tunisa sudna Family Boat padvierhłasia vierahodnaj atacy drona, u vyniku čaho na karabli ŭspychnuŭ pažar. Pavodle słoŭ arhanizataraŭ misii, na borcie było šeść čałaviek, usie jany zastalisia cełymi, adnak pažar paškodziŭ hałoŭnuju pałubu i składskija pamiaškańni.
«Akty ahresii, skiravanyja na zapałochvańnie i sarvańnie našaj misii, nie spyniać nas», — zajavili pradstaŭniki fłatylii.
Hreta paćvierdziła incydent i padkreśliła, što hałoŭnaja meta jaje padarožža — pryciahnuć uvahu da humanitarnaj katastrofy ŭ Hazie.
«Hetaja historyja — nie pra našaje padarožža, a pra Palestynu, pra toje, jak ludziej śviadoma pazbaŭlajuć bazavych srodkaŭ dla vyžyvańnia. I pra toje, jak śviet maŭčyć», — adznačyła aktyvistka.
Heta ŭžo druhaja sproba Hrety Tunbierh dabracca da Hazy. U červieni jana razam z hrupaj aktyvistaŭ była zatrymanaja izrailskimi siłami i departavana, kali ich sudna Madleen nabliziłasia da paleścinskich bierahoŭ.
U lipieni jašče adna hrupa mižnarodnych aktyvistaŭ taksama była pierachoplenaja, kali sprabavała dabracca da Hazy na karabli Handala.
Ciapier čytajuć
U Šejmana znajšli jašče adnu mahčymuju kachanku i syna. Sakratarka biez vyšejšaj adukacyi za ličanyja hady stała ŭłaśnicaj raskošnych damoŭ i handlovaha centra24
U Šejmana znajšli jašče adnu mahčymuju kachanku i syna. Sakratarka biez vyšejšaj adukacyi za ličanyja hady stała ŭłaśnicaj raskošnych damoŭ i handlovaha centra
«Pastavili pałatki, raźviali vohniščy». MUS paćvierdziła zatrymańnie 350 čałaviek pad Rasonami. Znajšli i arhumient: «Mnohija ŭ hołym vyhladzie pierad małaletnimi»1010
«Pastavili pałatki, raźviali vohniščy». MUS paćvierdziła zatrymańnie 350 čałaviek pad Rasonami. Znajšli i arhumient: «Mnohija ŭ hołym vyhladzie pierad małaletnimi»10
«Što, hrochnuć dziaciej Cichanoŭskaj, kab źviarnuli ŭvahu na maju prablemu?» Jak tupy kamientar aktyvista Dzianisa Daškieviča stvaryŭ jamu prablemy ŭ Polščy2929
«Što, hrochnuć dziaciej Cichanoŭskaj, kab źviarnuli ŭvahu na maju prablemu?» Jak tupy kamientar aktyvista Dzianisa Daškieviča stvaryŭ jamu prablemy ŭ Polščy29
«Vykopvała nievialikija jamki, źbirała mutnuju daždžavuju vadu i piła jaje». Piensijanierka, jakaja dva tydni błukała pa lesie, raskazała, jak joj udałosia vyžyć22
Kamientary