Na 227-m ahulnavajskovym palihonie padraździaleńni Uzbrojenych sił Biełarusi i Rasii atrymali zadaču ździejśnić marš z adnaho rajona, paviedamlaje Minabarony.
Pieramiaščeńnie ažyćciaŭlałasia nievialikimi hrupami, što dazvalaje efiektyŭna adpracoŭvać taktyčnyja pryjomy i minimizavać ryzyki vyjaŭleńnia z boku ŭmoŭnaha praciŭnika.
Vajskoŭcy zajmajucca inžyniernym abstalavańniem pazicyj, stvarajučy tryvałuju i ešałanavanuju abaronu. Asablivaja ŭvaha nadajecca maskiroŭcy i pavyšeńniu žyvučaści asabovaha składu i techniki. Pravodzicca pavietranaja raźviedka miascovaści z vykarystańniem BPŁA, jakaja dazvalaje svoječasova vyjaŭlać pieramiaščeńni ŭmoŭnaha praciŭnika, paviedamlaje Minabarony.
Arhanizavana kruhłasutačnaje patrulavańnie prylehłaj terytoryi i niasieńnie karavulnaj słužby dla zabieśpiačeńnia biaśpieki i praduchileńnia raptoŭnych napadaŭ. Unačy byli adpracavanyja pytańni supraćdziejańnia dyviersijna-raźviedvalnym hrupam umoŭnaha praciŭnika.
Taksama na palihonie Lasišča vajskoŭcy adpracoŭvajuć pytańni achovy i abarony chimična niebiaśpiečnaha abjekta, a taksama jaho prykryćcia ad udaraŭ srodkaŭ pavietranaha napadu ŭmoŭnaha praciŭnika.
Ciapier čytajuć
«Lena 20 rubloŭ» uziałasia za staroje: znakamitaja machlarka znoŭ razvodzić davierlivych biełarusaŭ9
Kamientary