На 227-м агульнавайсковым палігоне падраздзяленні Узброеных сіл Беларусі і Расіі атрымалі задачу здзейсніць марш з аднаго раёна, паведамляе Мінабароны.
Перамяшчэнне ажыццяўлялася невялікімі групамі, што дазваляе эфектыўна адпрацоўваць тактычныя прыёмы і мінімізаваць рызыкі выяўлення з боку ўмоўнага праціўніка.
Вайскоўцы займаюцца інжынерным абсталяваннем пазіцый, ствараючы трывалую і эшаланаваную абарону. Асаблівая ўвага надаецца маскіроўцы і павышэнню жывучасці асабовага складу і тэхнікі. Праводзіцца паветраная разведка мясцовасці з выкарыстаннем БПЛА, якая дазваляе своечасова выяўляць перамяшчэнні ўмоўнага праціўніка, паведамляе Мінабароны.
Арганізавана кругласутачнае патруляванне прылеглай тэрыторыі і нясенне каравульнай службы для забеспячэння бяспекі і прадухілення раптоўных нападаў. Уначы былі адпрацаваныя пытанні супрацьдзеяння дыверсійна-разведвальным групам умоўнага праціўніка.
Таксама на палігоне Лясішча вайскоўцы адпрацоўваюць пытанні аховы і абароны хімічна небяспечнага аб’екта, а таксама яго прыкрыцця ад удараў сродкаў паветранага нападу ўмоўнага праціўніка.
Цяпер чытаюць
«Я асасін, бл*!» Эксперт-юрыст з СТБ неадэкватна паводзіў сябе на Зыбіцкай. Відэа сабрала мільёны праглядаў — хто ён13
Каментары