Łukašenka pra budučaha prezidenta: Ja pierabiraju mnohija asoby i baču — nu niemahčyma budzie heta paciahnuć
Na sustrečy ź ideałahičnym aktyvam Alaksandr Łukašenka siarod inšaha parazvažaŭ na temu, jakim pavinien być budučy prezident. Pytańnie na hetu temu było daručana zadać jahonaj sparynh-partniorcy padčas apošnich dźviuch vybarčych kampanij Hańnie Kanapackaj.
Zadajučy svajo pytańnie, Kanapackaja śmieła skazała Łukašenku ŭ tvar, što nijaki inšy prezident ź im nie paraŭnajecca. Jana adznačyła, što siońniašniaje adzinstva, jakoje nibyta isnuje ŭ biełaruskim hramadstvie, dasiahnuta ŭ tym liku dziakujučy charyźmie i asabistym jakaściam Łukašenki.
Luby ž inšy čałaviek na hetaj pasadzie ŭ budučyni, niezaležna ad svajho połu, chutčej za ŭsio budzie słabiejšy za Łukašenku pa hetych jakaściach, što adrazu adčuje i ŭbačyć narod. Paśla taho jana pierajšła ŭłasna da pytańnia:
«Što my pavinny pačać rabić, pakul jašče jość čas, kab hetaje adzinstva i kansalidacyju ŭ biełaruskim hramadstvie zachavać, utrymać? Dajcie paradu».
Łukašenka užo vybiraje budučaha prezidenta
Pierad tym, jak dać paradu, Alaksandr Łukašenka padkreśliŭ važnaść adkrytych i kanstruktyŭnych dyskusij u hramadstvie, u tym liku na palityčnym uzroŭni. Jon zaklikaŭ ludziej adkryta vykazvać svaje dumki i adznačyŭ, što narmalna ŭsprymaje ideju, kali chtości ličyć, što ŭ budučyni pasadu moža zaniać inšy čałaviek, u tym liku i žančyna.
Adnačasova Łukašenka adznačyŭ, što praca prezidenta — heta vielmi ciažkaja i adkaznaja praca.
«Ja budučych prezidentaŭ u hramadstvie taksama šukaju i chaču bačyć. Ale ja pierabiraju mnohija asoby i baču, što nu niemahčyma budzie heta paciahnuć. Treba čas, kab novy čałaviek staŭ prezidentam, kali im nie naradziŭsia. Kali ŭ ciabie niama zadatkaŭ prezidenta ad pryrody — u Biełarusi nie leź», — zajaviŭ jon.
Kab stać sapraŭdnym prezidentam, čałaviek nibyta pavinien być hatovy całkam addacca spravam dziaržavy, zabyŭšy ŭ tym liku i pra asabistaje žyćcio.
I choć žančyn jon «pavažaje biaźmierna», ale kiraŭnikom krainy pavinien być «mocny mužyk, jaki b abaviazkova paniuchaŭ porachu».
«Heta moj punkt hledžańnia. Čałavieka, jaki biaźmierna pavažaje žančyn. Žančyna — heta ŭzor, jaki pryroda stvaryła. Tym nie mienš, ja liču, čto nielha jaje na hetu «haračuju patelniu» siońnia kidać», — skazaŭ Łukašenka.
Ciapier čytajuć
«Ty ŭ nas u Biełarusi!» — «Ja mamu tvaju ja*aŭ». Hościu z Ałtaja nie spadabałasia zaŭvaha za kinuty ŭ centry Minska niedakurak6
Kamientary
Prosto, 80% biełarusov sidiat zapuhannymi, kak myši pod vienikom i ždut svojeho časa, čtoby otomstiť charizmatičnomu i silnomu lidieru, kak otomstili rumyny svojemu charizmatičnomu i silnomu lidieru, kak otomstili livijcy, tožie očień charizmatičnomu i silnomu lidieru.....