Kim Čen Yn pravioŭ maštabny vajenny parad i pachvaliŭsia novaj rakietaj FOTA
Lidar Paŭnočnaj Karei pravioŭ učora vialiki vajenny parad z nahody 80‑hodździa Pracoŭnaj partyi KNDR, na jakim była prademanstravanaja novaja mižkantynientalnaja balistyčnaja rakieta, paviedamlaje Paŭnočnakarejskaje infarmacyjnaje ahienctva KCNA
Parad, jaki prajšoŭ pozna ŭviečary ŭ piatnicu, byŭ pryśviečany 80‑hodździu zasnavańnia kirujučaj Pracoŭnaj partyi KNDR i staŭ praciaham śviatkavańniaŭ, što prajšli ŭ čaćvier.
Siarod zamiežnych haściej, jakija pryjechali ŭ Pchieńjan na jubilej, byli premjer-ministr Kitaja Li Cian, delehacyja z Rasii na čale z byłym prezidentam Dźmitryjem Miadźviedzievym, a taksama kiraŭnik Kamunistyčnaj partyi Vjetnama To Łam.
Na vajennym paradzie Paŭnočnaja Kareja prademanstravała svaju najsučaśniejšuju mižkantynientalnuju balistyčnuju rakietu Hwasong-20, jakuju KCNA apisała jak «najmahutniejšuju sistemu jadziernaj stratehičnaj zbroi» krainy.
«Na praśpiektach da paradnaj płoščy ŭračysta vystrailisia piešyja kałony, uklučajučy kałony ŭsich vidaŭ i rodaŭ vojskaŭ uzbrojenych sił Respubliki, i kałony zvyšsučasnych uzbrajeńniaŭ. Na płošču vyjšaŭ arkiestr Zasłužanaha dziaržaŭnaha choru, jaki adkazvaje za muzyčnaje vykanańnie na vajennym paradzie.
Upryhožvajučy pačatak vajennaha paradu, prajšło cyrymanijalnaje vystupleńnie zvodnych vajennych arkiestraŭ, jakoje kranalna zakranaje sercavyja struny hledačoŭ dynamičnaj miełodyjaj revalucyjnych vajennych piesień.
Členy vajennych arkiestraŭ rytmična źmianiali pastrajeńnie, a dziaŭčaty z šablami pakazali svojeasablivyja truki, zatym barabanščycy i členy hanarovaj varty vykanali sprytnyja truki z maleńkimi barabanami i vintoŭkami», — havorycca va ŭźniosłym repartažy KCNA.
Ciapier čytajuć
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich17
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich
«Da lejtenanta pryjechała maładaja žonka, pabačyła, što adbyvajecca ŭ zonie, i zastreliłasia». Vyjšła zaklučnaja častka ŭspaminaŭ Ryhora Biarozkina pra HUŁAH i saviecki Minsk1818
Kamientary
[Zredahavana]