Siarhieja Panamarova z Klecka aštrafavali za abrazu načalnika miascovaj ŽKH.
Siarhieja Panamarova z Klecka aštrafavali za abrazu načalnika miascovaj ŽKH. Choć mienavita Panamaroŭ skardziŭsia ŭ prakuraturu na abrazy z boku čynoŭnika.
29 krasavika Klecki rajonny sud pakaraŭ vydaŭca niezaležnaha biuleteniu «Bojki Klecak» Siarhieja Panamarova štrafam u pamiery 10 bazavych vieličyń (350 tysiač rubloŭ). Takim čynam sud zadavoliŭ sustrečnuju zajavu načalnika miascovaj ŽKH Alaksandra Navickaha, jaki źviarnuŭsia ŭ pravaachoŭnyja orhany sa skarhaj na abrazy z boku Panamarova. Pa słovach apošniaha, tak raźviazałasia historyja paŭtaramiesiačnaj daŭnaści.
15 sakavika ŭ Kleck pryjechali pradstaŭniki TAA «Centr pa rehienieracyi historyka-kulturnych łandšaftaŭ i terytoryj», jakich Siarhiej Panamaroŭ aznajomiŭ ź miascovymi architekturnymi abjektami. Kali hości pryjšli da budynka byłoha vajskovaha špitala 1903 hoda pabudovy, u jakim ciapier mieścicca administracyja miascovaj ŽKH, i pačali jaho fatahrafavać, da ich vyjšaŭ kiraŭnik ustanovy. Jon, pa słovach Panamarova, nie pradstaviŭsia, pačaŭ zabaraniać fatahrafavańnie, abiacajučy vyklikać milicyju. Kali pabačyŭ, što hetuju scenu fatahrafuje Panamaroŭ, to abraziŭ jaho. Vynikam pierapałki stała zajava vydaŭca biuletenia ŭ kleckuju prakuraturu z podpisami śviedak zdareńnia. Ale praz tydzień Panamarova samoha abvinavacili ŭ abrazie — načalnik ŽKH padaŭ sustrečnuju zajavu. Na vydaŭca skłali pratakoł pavodle art. 9.1 KaAP (abraza). Pry hetym pavodle jahonaj zajavy pratakoł tak i nie skłali.
Pieršaje pasiedžańnie suda było pieraniesienaje z-za taho, što ŭ sud nie źjavilisia śviedki z boku Panamarova — I. Dziadko i D. Savieljeŭ. Nie źjavilisia jany i na siońniašniaje pasiedžańnie, bo zanadta pozna atrymali pozvy ŭ sud. Z boku A. Navickaha śviedčyli D. Leanienia, S. Baciania, i D. Zdrok — supracoŭniki ŽKH. Siarhiej Panamaroŭ ćvierdzić, što hetyja ludzi nie prysutničali pry sutyčcy 15 sakavika.
-
Biełarus z prablemami ź psichikaj staŭ u Rasii naminalnym dyrektaram. A jak sprava nakryłasia, zabrali na front — u adzin kaniec
-
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich
-
«Kibierpartyzany» i hrupa Silent Crow zajavili pra ŭzłom Rasstata i atrymańnie danych pra vajennyja straty
Ciapier čytajuć
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich17
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich
«Da lejtenanta pryjechała maładaja žonka, pabačyła, što adbyvajecca ŭ zonie, i zastreliłasia». Vyjšła zaklučnaja častka ŭspaminaŭ Ryhora Biarozkina pra HUŁAH i saviecki Minsk1818
Kamientary