Łukašenka zahadaŭ čynoŭnikam pravodzić narady na vychodnych i paśla pracy
Siońnia kiraŭnik łukašenkaŭskaj Administracyi Dźmitryj Kruty spravazdačyŭsia tamu nakont vykanańnia roznych daručeńniaŭ i dyrektyŭ. U tym liku razhladali novyja normy Dyrektyvy №11 «Ab udaskanaleńni funkcyjanavańnia sistemy orhanaŭ ułady i kiravańnia, uzmacnieńni vykanalnickaj dyscypliny», padpisanaj u krasaviku.
Adnym z novaŭviadzieńniaŭ, zhodna z Dyrektyvaj №11, stała toje, što «praviadzieńnie šmatlikich narad pavinny pieranieści z rabočaha času na vychadnyja dni abo paśla raboty».
«Apošnija try tydni ja naziraju, što hety praces aktyŭna staŭ transfarmavacca. Usie słužbovyja asoby papiaredžany ab piersanalnaj adkaznaści za adciahnieńnie ministraŭ pa niaprofilnych mierapryjemstvach.
Pieranos usich narad, kalehij, vykankamaŭ pavinien adbycca na vychadnyja dni dla taho, kab u zvyčajny čas nie adciahvać uvahu ad svaich niepasrednych prafiesijnych abaviazkaŭ», — raskazaŭ žurnalistam kiraŭnik Administracyi.
Dźmitryj Kruty raskazaŭ, što Łukašenku cikaviła zachavańnie «infarmacyjnaha bałansu» pamiž halinami ŭłady, vyšejšymi słužbovymi asobami, orhanami ŭłady, ministrami. «Nakolki my aktualna i złabadzionna adčuvajem prablematyku i tyja pytańni, jakija my pavinny davodzić da nasielnictva i rastłumačvać nasielnictvu. Nakolki dziaržorhany aktyŭna zajmajucca hetaj rabotaj i kantralujuć hetyja pracesy», — skazaŭ kiraŭnik Administracyi.
Pavodle danych łukašenkaŭskaj Administracyi, praciahły čas top-3 tem, ź jakimi źviartajucca hramadzianie, praktyčna nie mianiajecca. Heta ŽKH, ceny, miedycynskija pasłuhi. Łukašenka na heta skazaŭ siońnia, što «voś hetych ministraŭ faktyčna nie vidać na ekranach, jany nijakim čynam nie vystupajuć, niama dobrych tematyčnych siužetaŭ, pryśviečanych hetym prablemam. A źjaŭlacca tolki ŭ ramkach padahulniajučych abo pramiežkavych kalehij — heta nie infarmacyjnaja rabota z boku našych halinovych viedamstvaŭ», — skazaŭ Kruty.
Jon dadaŭ, što ŭ słužbovych asob, parłamientaryjaŭ, kiraŭnikoŭ na miescach jość svaje śfiery adkaznaści ŭ častcy viadzieńnia infarmacyjnaj raboty. Naprykład, za ekanomiku adkazvaje premjer-ministr, za kantrolnuju dziejnaść — hienieralny prakuror i KDK, pałaty parłamienta — za rabotu ź miascovymi orhanami ŭłady i hetak dalej.
Ciapier čytajuć
62‑hadovaja biznesvumen i miljanierka Iryna Ciareščanka padzialiłasia historyjaj svajho kachańnia z mužčynam, na 20 hadoŭ małodšym za jaje6
Kamientary
Znoŭ tupaja pakazucha i "pa normach vajennaha času"... Jołupni.