Rasijaninu, jaki pjanym pabiŭsia z achoŭnikami minskaha mietro, vynieśli prysud
Vy budziecie ździŭlenyja jahonaj miakkaści.
U kancy krasavika ŭ sacsietkach zavirusiłasia videa, jak achoŭniki skručvajuć pasažyra prosta na pieronie stancyi «Kamiennaja horka». Vidavočcy pisali, što pierad hetym mužčyna, jaki akazaŭsia turystam sa Smalenska, biehaŭ pa vahonach, sprabavaŭ bicca z achovaj i navat udaryŭ svaju maleńkuju dačku.
Pryčynaj kanfliktu stała toje, što pasažyru ź vidavočnymi prykmietami ałkaholnaha apjanieńnia, zabaranili ŭ prachodzie na stancyju, ale toj zmoh prarvacca da vahonaŭ.
U vyniku 28‑hadovaha hramadzianina Rasii asudzili za hvałt u dačynieńni da rabotnikaŭ słužby achovy Minskaha mietrapalitena. Prakuratura Frunzienskaha rajona paviedamiła bolš padrabiaznaściej krasavickaha zdareńnia.
Paśla taho, jak pasažyra z žonkaj i maleńkaj dačkoj nie puścili ŭ mietro, jany padnialisia navierch, kab vyklikać taksi. Ale turystaŭ nie zadavoliŭ čas čakańnia mašyny, i kab nie spaźnicca na vakzał, jany pasprabavali jašče raz prarvacca ŭ padziemku.
Užo na pieronie siamju spyniŭ achoŭnik i nahadaŭ, što pjanym nielha jeździć na mietro. U vyniku mužčyna šturchnuŭ inśpiektara i pabieh u bok ciahnika. Ale, na jaho niaščaście, heta byŭ sastaŭ, jaki pryvioz pasažyraŭ na kancavuju stancyju.
U vyniku rasijanin ź siamjoj pačaŭ uciakać pa vahonach ad achoŭnikaŭ, a zatym udaryŭ adnaho ź ich pa tvary. Usio skončyłasia zatrymańniem i kryminalnaj spravaj.
Adnak prysud biełaruskaha suda ŭ dačynieńni da hościa z Rasii akazaŭsia nadzvyčaj miakkim. Jamu prysudzili try miesiacy aryštu i 1000 rubloŭ kampiensacyi maralnaj škody adnamu z paciarpiełych achoŭnikaŭ.
-
Šrajbman: Ad adnych čuju, što Minsk staŭ pustym i ŭsie čakajuć viartańnia ludziej. A inšaja pazicyja: usio narmalna, źjechali — na zdaroŭje
-
Śviatłana Šacilina patłumačyła, čamu pakinuła pasadu kiraŭnicy Misii demsił Biełarusi va Ukrainie
-
Pajezdka na samakacie abyšłasia minčancy ŭ 16 tysiač dalaraŭ — stolki daviadziecca patracić na zuby
Ciapier čytajuć
Vyjšaŭ na svabodu vybitny chirurh Andrej Lubiecki11
Vyjšaŭ na svabodu vybitny chirurh Andrej Lubiecki
Unikalnyja zdymki budaŭnictva Staroha mosta ŭ Hrodnie. Chto fatahrafavaŭ niebiaśpiečnyja kiesony, u jakich ludzi ryzykavali na dnie Niomana, kab pastavić apory? ŠMAT FOTA77
Kamientary
Hańba takim sudiliŝam