Za apošnija 20 hadoŭ u Biełarusi ŭtraja pavialičyłasia kolkaść dyjabietykaŭ
Ministerstva achovy zdaroŭja paviedamlaje, što za apošnija 20 hadoŭ kolkaść ludziej z cukrovym dyjabietam u Biełarusi pavialičyłasia ŭ try razy. Ciapier, pavodle aficyjnych danych na 1 studzienia 2025 hoda, u krainie bolš za 407 tysiač čałaviek z dyjabietam 1‑ha i 2‑ha typu. Heta kala 5,5% darosłaha nasielnictva.
Jak adznačajuć śpiecyjalisty, vialikaja prablema ŭ zmahańni z hetaj chvarobaj — poźniaja dyjahnostyka. Pa suśvietnaj statystycy, kožny druhi čałaviek, jaki maje dyjabiet, navat nie padazraje pra svaju chvarobu. Pry hetym u mnohich užo na rańnich etapach uźnikajuć uskładnieńni, bo chvaroba moža doŭhi čas praciakać bieź vidavočnych simptomaŭ.
U Biełarusi štohod fiksujecca da 8% novych vypadkaŭ dyjabietu.
Z 3 pa 21 listapada ŭ krainie prachodzić infarmacyjnaja kampanija, pryśviečanaja Suśvietnamu dniu baraćby z dyjabietam — jon adznačajecca 14 listapada. Meta akcyi — pavysić daśviedčanaść ludziej pra zachvorvańnie, jaho ryzyki i miery prafiłaktyki.
Pavodle danych Mižnarodnaj fiederacyi dyjabietu, ciapier u śviecie žyvuć z dyjabietam kala 589 miljonaŭ darosłych, a da 2050 hoda ich kolkaść moža vyraści da 853 miljonaŭ.
«I znoŭ kulhavy dyjabietyk z pastajannaj zadyškaj vyžylvajecca dy pniecca pakazać, što jon nie tolki hihant dumki»
Ciła pocisku ruki ŭ 50 hadoŭ moža pradkazać vaša zdaroŭje ŭ 70: vyniki daśledavańnia
Śmiarotnaść siarod moładzi Uschodniaj Jeŭropy raście nasupierak suśvietnym tendencyjam
Usiaho 15 chvilin chutkaj chady štodnia mohuć padoŭžyć vaša žyćcio
Kamientary
hoŕkijšokoład.V itohie niet normalnoho niežnoho ziefira, kotoryj zasacharivajetsia, kak i vsie konfiety biełorusskich fabrik «Spartak», «Kommunarka» pokryvajutsia nalotom.
Mnie lično nie nužien vkus sachara, ja choču oŝuŝať jestiestviennyj vkus produkta.