За апошнія 20 гадоў у Беларусі ўтрая павялічылася колькасць дыябетыкаў
Міністэрства аховы здароўя паведамляе, што за апошнія 20 гадоў колькасць людзей з цукровым дыябетам у Беларусі павялічылася ў тры разы. Цяпер, паводле афіцыйных даных на 1 студзеня 2025 года, у краіне больш за 407 тысяч чалавек з дыябетам 1‑га і 2‑га тыпу. Гэта каля 5,5% дарослага насельніцтва.
Як адзначаюць спецыялісты, вялікая праблема ў змаганні з гэтай хваробай — позняя дыягностыка. Па сусветнай статыстыцы, кожны другі чалавек, які мае дыябет, нават не падазрае пра сваю хваробу. Пры гэтым у многіх ужо на ранніх этапах узнікаюць ускладненні, бо хвароба можа доўгі час працякаць без відавочных сімптомаў.
У Беларусі штогод фіксуецца да 8% новых выпадкаў дыябету.
З 3 па 21 лістапада ў краіне праходзіць інфармацыйная кампанія, прысвечаная Сусветнаму дню барацьбы з дыябетам — ён адзначаецца 14 лістапада. Мэта акцыі — павысіць дасведчанасць людзей пра захворванне, яго рызыкі і меры прафілактыкі.
Паводле даных Міжнароднай федэрацыі дыябету, цяпер у свеце жывуць з дыябетам каля 589 мільёнаў дарослых, а да 2050 года іх колькасць можа вырасці да 853 мільёнаў.
«І зноў кульгавы дыябетык з пастаяннай задышкай выжыльваецца ды пнецца паказаць, што ён не толькі гігант думкі»
Cіла поціску рукі ў 50 гадоў можа прадказаць ваша здароўе ў 70: вынікі даследавання
Смяротнасць сярод моладзі Усходняй Еўропы расце насуперак сусветным тэндэнцыям
Усяго 15 хвілін хуткай хады штодня могуць падоўжыць ваша жыццё
Каментары
горькийшоколад.В итоге нет нормального нежного зефира, который засахаривается, как и все конфеты белорусских фабрик «Спартак», «Коммунарка» покрываются налётом.
Мне лично не нужен вкус сахара, я хочу ощущать естественный вкус продукта.