26 listapada, u 82‑ju hadavinu vyzvaleńnia Homiela ad niamieckaj akupacyi padčas Druhoj suśvietnaj vajny, u centry horada adkryli bronzavy pomnik Maršału Savieckaha Sajuza Kanstancinu Rakasoŭskamu.
Saviecki maršał Kanstancin Rakasoŭski vyjaŭleny viercham na kani padčas parada Pieramohi 1945 hoda na Krasnaj płoščy ŭ Maskvie. Na pastamiencie — punkty klučavych apieracyj i bitvaŭ pad kamandavańniem vajenačalnika.
Eskiz pomnika stvaryła skulptarka z Rasii Julija Pašyna, jaho vyšynia z pastamientam — šeść mietraŭ. Adzin z frahmientaŭ pastamienta — karta Homielska-Rečyckaj nastupalnaj apieracyi, jakoj kiravaŭ vojenačalnik, a taksama vobrazy hiermanskich ściahoŭ, kaliści kinutych da padnožža maŭzaleja ŭ Maskvie.
Va ŭračystym adkryćci pomnika ŭziali ŭdzieł namieśnik ministra abarony Biełarusi hienierał-major Alaksandr Navumienka, pamočnik prezidenta Rasii Uładzimir Miadzinski, staršynia Pałaty pradstaŭnikoŭ Ihar Sierhiejenka.
U dadatak da ŭłasna adkryćcia pomnika byli arhanizavanyja parad vajskovaj techniki i prachodžańnie vojskaŭ, vystava ŭzbrajeńnia, vajskovaj i śpiecyjalnaj techniki, a taksama śviatočny kancert.
Hety pomnik pastavili pa inicyjatyvie Rasijskaha vajenna-histaryčnaha tavarystva, jakoje ŭznačalvaje Uładzimir Miadzinski. Dla jaho ŭstanoŭki ŭłady vysiekli ceły skvier u centry horada.
Akramia pomnika maršału Rakasoŭskamu, Miadzinski maje namier pastavić u Homieli pomnik rasijskamu fieldmaršału Ivanu Paskieviču, dušycielu paŭstańnia 1830—1831 hadoŭ.
Ciapier čytajuć
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1616
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru16
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary