Premija «Nadzieja Svabody» za 2025 hod była ŭručana hałoŭnamu redaktaru «Rehijanalnaj haziety» Alaksandru Manceviču padčas litoŭska-biełaruskaha «Forumu žurnalistaŭ bałtyjskich krain i pieraśledavanych žurnalistaŭ» u Siejmie Litvy 18 śniežnia, paviedamlaje Biełaruskaja asacyjacyja žurnalistaŭ.
Alaksandr Mancevič — były palitviazień, jaki byŭ zatrymany 15 sakavika 2023 hoda padčas pieratrusaŭ u rehijanalnych ŚMI i asudžany na 4 hady kałonii i štraf u pamiery 14 800 rubloŭ za «raspaŭsiud zahadzia chłuślivaj infarmacyi». Vinu jon nie pryznaŭ. 11 vieraśnia 2025 hoda Mancevič byŭ vyzvaleny i prymusova departavany ŭ Litvu razam ź inšymi 9 žurnalistami.
U svajoj pramovie padčas uručeńnia premii Mancevič padziakavaŭ litoŭskim kaleham i palitykam za padtrymku, padkreśliŭšy, što ŭznaharoda važnaja nie tolki dla jaho asabista, ale i dla ŭsioj biełaruskaj žurnalisckaj supolnaści, jakaja praciahvaje zmahacca za svabodu słova. Jon adznačyŭ, što sapraŭdnaja svaboda pryjdzie tady, kali biełarusy zmohuć žyć doma.
«Rehijanalnaja hazieta», jakuju Mancevič zasnavaŭ u krasaviku 1995 hoda, była adnym ź pieršych pryvatnych ŚMI ŭ Biełarusi i doŭhi čas zastavałasia viadučym niezaležnym vydańniem u Maładziečnie i navakolnym rehijonie.
Premija «Nadzieja Svabody» ŭručajecca ŭžo šosty hod zapar jak znak padtrymki svabody słova. Letaś jaje atrymała hałoŭnaja redaktarka sajta «Miedyjazona. Biełaruś» Nasta Bojka, u 2023‑m — Jahor Marcinovič, u 2022‑m — Aleh Hruździłovič, u 2021‑m — Andrej Alaksandraŭ, a ŭ 2020‑m — Kaciaryna Barysievič, Alena Taŭkačova, Taćciana Karaviankova, Kaciaryna Andrejeva i Darja Čulcova.
Zatrymali čarhovaha čałavieka hoda Viciebščyny, deputata Viciebskaha abłsavieta Dźmitryja Kalahu7
Zatrymali čarhovaha čałavieka hoda Viciebščyny, deputata Viciebskaha abłsavieta Dźmitryja Kalahu
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich1919
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich19
«Da lejtenanta pryjechała maładaja žonka, pabačyła, što adbyvajecca ŭ zonie, i zastreliłasia». Vyjšła zaklučnaja častka ŭspaminaŭ Ryhora Biarozkina pra HUŁAH i saviecki Minsk1818
Kamientary