Sieviaryniec pra svaju historyju kachańnia: Heta nietypova dla siońniašniaha śvietu
Palityk i były palitviazień Pavieł Sieviaryniec padzialiŭsia ščyraj historyjaj znajomstva i kachańnia sa svajoj žonkaj Volhaj.
Pavieł paznajomiŭsia sa svajoj budučaj žonkaj padčas lidarskich kursaŭ padrychtoŭki hramadskich aktyvistaŭ «Dydžei Adradžeńnia», jakija pravodziŭ «Małady Front». Volha była siarod udzielnic:
«Vola ŭ maim žyćci źjaviłasia na kursach «Dydžejaŭ Adradžeńnia». Jana była adnoj ź pieramožcaŭ u svoj čas, zdajecca, u 2008 hodzie, tych samych lidarskich kursaŭ. I na toj momant jana vielmi kranuła mianie svajoj pryrodnaj biełaruskaściu. Jana z takoha katalickaha kraju, z Naračanskaha. A ŭ Biełarusi dziavočyja vočy Naračy… Takaja dalikatnaja, ale adnačasova mocnaja. Ja heta ŭsio ŭbačyŭ na dydžejskich kursach, i ja prosta ŭ niejki momant źnik».
Roźnica va ŭzroście pamiž Paŭłam i Volhaj składaje 14 hadoŭ. Sa słoŭ Sieviarynca, jon doŭhi čas chavaŭ svaje pačućci. Kali ž navažyŭsia adkrycca, dla maładoj dziaŭčyny pryznańnie viadomaha palityka stała šokam:
«Jasna, što jana była ahałomšanaja. I jana adrazu skazała: «Słuchaj, nu, napeŭna, niekalki hadoŭ treba budzie tabie pačakać»,
— zhadvaje Pavieł i zaŭvažaje, što ŭ vyniku daviałosia čakać piać hadoŭ, bo nieŭzabavie jon trapiŭ za kraty.
«I voś praź piać hadoŭ, kali ja ŭžo viartaŭsia z adsidki ŭ Kuplinie (z «chimii» — NN), my adrazu zhulali viasielle, paviančalisia, pabralisia šlubam. I ja dziakuju Bohu za kožny dzień, kali maja žonka, maja Volečka, sa mnoj. Jana prosta cudoŭnaja,
— kaža Pavieł i pryznajecca, što ich šlub staŭ dla abaich pieršym i adzinym dośviedam blizkaści:
— Nasamreč da Volečki ŭ mianie było paru historyj z pacałunkami, ale dalej za pacałunki tam sprava nie išła. Tamu heta historyja, moža, nietypovaja dla siońniašniaha śvietu, kali ja ŭ majoj Volečki pieršy, i maja Volečka ŭ mianie taksama pieršaja. Ja dumaju, što heta fajna».
Sa słoŭ palityka, jon nie asudžaje tych, chto maje inšy žyćciovy dośvied, ale vielmi cenić ich unikalnuju historyju viernaści.
«Naša Niva» — bastyjon biełaruščyny
PADTRYMAĆ
Zatrymali čarhovaha čałavieka hoda Viciebščyny, deputata Viciebskaha abłsavieta Dźmitryja Kalahu7
Zatrymali čarhovaha čałavieka hoda Viciebščyny, deputata Viciebskaha abłsavieta Dźmitryja Kalahu
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich1919
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich19
«Da lejtenanta pryjechała maładaja žonka, pabačyła, što adbyvajecca ŭ zonie, i zastreliłasia». Vyjšła zaklučnaja častka ŭspaminaŭ Ryhora Biarozkina pra HUŁAH i saviecki Minsk1818
Kamientary