«Razmaŭlaŭ uvieś čas pa-biełarusku». Pavieł Sieviaryniec zapisaŭ svoj pieršy zvarot paśla vyzvaleńnia
Palityk i były palitviazień Pavieł Sieviaryniec stvaryŭ sabie telehram-kanał. Tam jon vykłaŭ videazvarot, dzie padziakavaŭ usim, chto padtrymlivaŭ jaho za kratami, i chto dapamoh u Vilni paśla vyzvaleńnia i departacyi ź Biełarusi.
«Viadoma, toje, što nas vyvieźli ź Biełarusi, heta biezzakońnie. Ale ja vieru ŭ toje, što my abaviazkova vierniemsia i abdymiemsia na rodnaj ziamli», — kaža Sieviaryniec.
Za kratami ŭ svoj apošni termin jon pravioŭ 5,5 hoda. Ahułam u źniavoleńni, z ulikam papiarednich zatrymańniaŭ, palityk pravioŭ 11 hadoŭ.
«Razmaŭlaŭ uvieś čas pa-biełarusku, prašeńnie ab pamiłavańni nie padpisvaŭ, vinu nie pryznaŭ. Zrešty, nie asudžaju tych, chto heta zrabiŭ», — kaža Pavieł.
Jon taksama začytaŭ svoj vierš «Dzieci śviatła».
My, biełarusy — jak dzieci,
Pryvykli nie pamiatać zła,
Śviatlej za ŭsich na śviecie,
Bo my — dzieci śviatła.
Lubim pabolej bieli
Ad łožaka da stała.
A što vy jašče chacieli:
Biełarusy — dzieci śviatła.
Lubim jasnyja vočy
I biełazuby śmiech,
Lubim lon i małočku,
Lubim zimoju śnieh.
Lubim bulbu i kašy,
Lubim cukar i sol,
Lubim vorahaŭ našych,
Lubim pakutu i bol.
Lubim u Budsłavie festy,
Usie śviaty kalendara,
Lubim, kali niaviesta
U biełym la ałtara.
Lubim źziańnie arhanaŭ,
Lubim uspyški pahoń,
I kab hieroj — biezzahanny,
I kab lacieć — na vahoń.
Usio vyśviatlajecca prosta,
Biez pavieličalnaha škła:
Naša śviatło — heta Hospad.
Biełarusy — dzieci Śviatła.
Ciapier čytajuć
«Čamu my pavinny niejak uščemlivać siabie?». Dyrektarka RTBD patłumačyła, čamu pastaviła śpiektakl pavodle Puškina ŭ adnym z apošnich teatraŭ krainy, jaki pracavaŭ pa-biełarusku22
Kamientary