Dyk dzie ž było chaładniej za ŭsio ŭ Biełarusi ŭnačy 1 lutaha i dzie budzie samy vialiki maroz u paniadziełak 2 lutaha?
Studzień hetaha hoda staŭ samym chałodnym z 2010 hoda. Siaredniamiesiačnyja tempieratury pavietra na bolšaj častcy terytoryi akazalisia nižejšymi za normu ažno na šeść hradusaŭ. A marazy ŭ pieršyja dni lutaha naohuł mohuć pabić rekordy XXI stahodździa.
Siońnia nočču ŭ Kličavie było minus 27! U Varanovie było minus 26, a ŭ Haradku i Viciebsku — minus 25. I ŭ inšym kancy krainy, dzie zvyčajna ciaplej, utvaryŭsia druhi polus choładu. U Pružanach taksama było minus 25, choć pobač u Bieraści ŭsiaho tolki minus 21.
Da minus tryccaci, takim čynam, sprava jašče nie dajšła. Choć mietearołahi takoje i prahnazavali. Ale pamylilisia: niedaacanili chutkaść pryziemnaha vietru. Ale siońnia nočču moža dajści i da minus dvaccaci vaśmi, minus tryccaci. Tak tempieratury mohuć apuścicca ŭ rajonie Brasłava dy Pastavaŭ. A taksama ŭ rajonie Babrujska. I vakoł Biełaviežskaj puščy.
Vyšej za minus dvaccać naohuł nidzie nie budzie. Tamu siadzim doma i trymajem žyvioł doma.
Ciapier čytajuć
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich17
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich
«Da lejtenanta pryjechała maładaja žonka, pabačyła, što adbyvajecca ŭ zonie, i zastreliłasia». Vyjšła zaklučnaja častka ŭspaminaŭ Ryhora Biarozkina pra HUŁAH i saviecki Minsk1818
Kamientary