Дык дзе ж было халадней за ўсё ў Беларусі ўначы 1 лютага і дзе будзе самы вялікі мароз у панядзелак 2 лютага?
Студзень гэтага года стаў самым халодным з 2010 года. Сярэднямесячныя тэмпературы паветра на большай частцы тэрыторыі аказаліся ніжэйшымі за норму ажно на шэсць градусаў. А маразы ў першыя дні лютага наогул могуць пабіць рэкорды ХХІ стагоддзя.
Сёння ноччу ў Клічаве было мінус 27! У Варанове было мінус 26, а ў Гарадку і Віцебску — мінус 25. І ў іншым канцы краіны, дзе звычайна цяплей, утварыўся другі полюс холаду. У Пружанах таксама было мінус 25, хоць побач у Берасці ўсяго толькі мінус 21.
Да мінус трыццаці, такім чынам, справа яшчэ не дайшла. Хоць метэаролагі такое і прагназавалі. Але памыліліся: недаацанілі хуткасць прыземнага ветру. Але сёння ноччу можа дайсці і да мінус дваццаці васьмі, мінус трыццаці. Так тэмпературы могуць апусціцца ў раёне Браслава ды Паставаў. А таксама ў раёне Бабруйска. І вакол Белавежскай пушчы.
Вышэй за мінус дваццаць наогул нідзе не будзе. Таму сядзім дома і трымаем жывёл дома.
Цяпер чытаюць
18‑гадовы курсант Вайсковай акадэміі з Ляхавіч нікому нічога не сказаў, забраў дакументы і паехаў ваяваць за Расію. Цяпер па ім плачуць44
Каментары