Mierc hatovy da pieramoŭ z Rasijaj, ale tolki kali «ŭ hetym budzie sens»
Fiederalny kancler Hiermanii Frydrych Mierc, vystupajučy na Miunchienskaj kanfierencyi biaśpieki, nie adchiliŭ ideju pieramoŭ z Rasijaj, ale padkreśliŭ, što pieramovy nie pavinny być tolki dla samich pieramoŭ.
«Niechta ź Jeŭrasajuza, premjer-ministr, samastojna jeździŭ u Maskvu [majecca na ŭvazie kiraŭnik Vienhryi Viktar Orban. — Red.]. Heta było amal dva hady tamu. U jaho nie było mandata. Jon pajechaŭ tudy i ničoha nie dasiahnuŭ. Na praciahu nastupnaha tydnia my stali śviedkami najciažejšych atak na cyvilnuju infrastrukturu, na pryvatnyja damy, na balnicy.
Kali jość sens razmaŭlać, my hatovyja razmaŭlać. Ale, jak vy možacie bačyć pa [dasiahnieńniach] amierykanskaha boku, Rasija pakul što nie žadaje surjozna razmaŭlać», — skazaŭ Mierc.
Jon vykazaŭ mierkavańnie, što rasijska-ŭkrainskaja vajna skončycca tolki tady, kali Rasija budzie źniasilenaja prynamsi ekanamična i patencyjna — u vajskovaj śfiery.
«My nabližajemsia da hetaha. My šmat zrabili, kab dasiahnuć hetaha, ale my jašče nie tam […] Rasija maje [mahčymaść] spynić vajnu, ale my taksama majem u svaich rukach — Amieryka, Jeŭropa i Ukraina razam — [mahčymaść] davieści ich da hetaha momantu.
Kali jość sens razmaŭlać, my hatovyja razmaŭlać. Ale jany pavinny pryznać, što jany sapraŭdy hatovyja havaryć pra spynieńnie ahniu, a potym pra mirny płan», — skazaŭ Mierc.
Čarhovy raŭnd pieramovaŭ pa Ukrainie projdzie ŭ Ženievie
ZŠA abmiarkujuć ź Vienhryjaj i Słavakijaj admovu ad rasijskaha hazu
Pucin na pieramovach z Trampam prosić viarnuć Rasiju ŭ dalaravuju sistemu
Zialenski patłumačyŭ, čamu Biełaruś vyklučajecca jak miesca pieramoŭ z Pucinym
Kitaj nie budzie ŭdzielničać ni ŭ jakich pieramovach ab kantroli nad jadziernymi ŭzbrajeńniami
Kamientary