Zialenski patłumačyŭ, čamu Biełaruś vyklučajecca jak miesca pieramoŭ z Pucinym
Prezident Ukrainy Uładzimir Zialenski zajaviŭ, što nie budzie pravodzić mirnyja pieramovy z prezidentam Rasii Uładzimiram Pucinym na terytoryi Rasii abo Biełarusi. Pry hetym ukrainski bok hatovy da dyjałohu na niejtralnych placoŭkach, piša TSN.
Padčas kamunikacyi z žurnalistami ŭ čacie Ofisa prezidenta Zialenski padkreśliŭ, što sustreča nie moža adbyvacca ŭ krainie-ahresary.
«Ja nie mahu pryjechać na pieramovy z Pucinym u Maskvu — stalicu dziaržavy, jakaja ahresar u hetaj vajnie», — adznačyŭ jon.
Taksama ŭkrainski prezident rastłumačyŭ, čamu nie razhladajecca va Ukrainie i kandydatura Biełarusi.
Pavodle jaho słoŭ, heta kraina źjaŭlajecca sajuźnikam Rasii i spryjała nastupu na Ukrainu ŭ 2022 hodzie. Tamu Minsk taksama nie moža być miescam dla takich pieramoŭ.
U toj ža čas Ukraina hatovaja abmiarkoŭvać inšyja varyjanty — u ZŠA, u jeŭrapiejskich abo inšych niejtralnych krainach.
«My hatovyja padtrymać prapanovy ZŠA sustrakacca na lubych terytoryjach — Amieryka, Jeŭropa, niejtralnyja krainy. Lubyja dziaržavy, aprača Rasii i Biełarusi. Biełaruś — bo jana sajuźnica ŭ nastupleńni na Ukrainu ŭ 2022 hodzie», — reziumavaŭ Zialenski.
Raniej u miedyjach źjaŭlalisia paviedamleńni, što ŭkrainskaja delehacyja nibyta moža adpravicca ŭ Maskvu dla pieramoŭ. Adnak ukrainskija palityki zajavili, što taki krok nie maje ni dypłamatyčnaha, ni palityčnaha sensu.
Taksama raniej u Kramli zajaŭlali pra hatoŭnaść da kantaktaŭ, ale pry vykanańni ŭłasnych umoŭ. Zialenski ž nieadnarazova padkreślivaŭ, što Rasija pakul nie demanstruje sapraŭdnaj hatoŭnaści da spynieńnia ahresii.
«Pieršy raz čuju». Zialenski prakamientavaŭ infarmacyju, što nibyta abvieścić vybary 24 lutaha
Zialenski: Novy raŭnd pieramoŭ ab zaviaršeńni vajny projdzie na nastupnym tydni
Ukraina pačała płanavać praviadzieńnie vybaraŭ prezidenta. Jany mohuć prajści da 15 maja
Zialenski padpisaŭ zakon ab pravavym statusie inšaziemcaŭ, jakija słužać va ŭkrainskim vojsku
23‑hadovaha aficera bryhady śpiecnaza asudzili na 19 hadoŭ za «zdradu dziaržavie»17
23‑hadovaha aficera bryhady śpiecnaza asudzili na 19 hadoŭ za «zdradu dziaržavie»
Dziaržbiaśpieka Litvy: «Naš dom» Karač štučna stvaraje ŭmovy, kab biełarusy, što nie adpaviadajuć kryteryjam mižnarodnaj abarony, atrymlivali VNŽ u Litvie4242
Dziaržbiaśpieka Litvy: «Naš dom» Karač štučna stvaraje ŭmovy, kab biełarusy, što nie adpaviadajuć kryteryjam mižnarodnaj abarony, atrymlivali VNŽ u Litvie42
«Ludzi kamientavali, što salmanieła ŭvajšła ŭ čat». Biełarus pajechaŭ pracavać u Kremnijevuju dalinu — i staŭ kulinarnym błohieram na 28 miljardaŭ prahladaŭ88
Kamientary