Pucin na pieramovach z Trampam prosić viarnuć Rasiju ŭ dalaravuju sistemu
Rasija ŭ ramkach mahčymaj damovy z administracyjaj Donalda Trampa ab Ukrainie imkniecca adnavić udzieł u mižnarodnaj sistemie raźlikaŭ u dalarach. Pra heta paviedamlaje Bloomberg sa spasyłkaj na ŭnutrany miemarandum, padrychtavany dla vysokapastaŭlenych čynoŭnikaŭ raniej u hetym hodzie.
U Kramli bačać źniaćcie abmiežavańniaŭ na raźliki ŭ dalarach jak častku pahadnieńnia ab zaviaršeńni vajny va Ukrainie. Miemarandum akreślivaje siem mahčymych napramkaŭ supracoŭnictva pamiž Rasijaj i ZŠA.
Akramia pytańniaŭ dalara, Kreml cikavić doŭhaterminovyja kantrakty na pastaŭku amierykanskich samalotaŭ dla madernizacyi avijaparku rasijskich pieravozčykaŭ, sumiesnyja prajekty zdabyčy ciažkadastupnaj nafty i vytvorčaści ZPH. Dla pryciahnieńnia ZŠA ŭ naftahazavy siektar Maskva hatova ŭličyć raniejšyja amierykanskija inviestycyi i sadziejničać kampiensacyi strat.
Taksama prapanujecca supracoŭnictva ŭ śfiery jadziernaj enierhietyki, zdabyčy lityju, miedzi, nikielu i płaciny, a taksama sumiesnaje prasoŭvańnie vykapniovaha paliva jak alternatyvy klimatyčnaj palitycy. Amierykanskim kampanijam abiacajuć prefierencyi pry viartańni na rasijski spažyviecki rynak.
Adnak samym hučnym punktam płana źjaŭlajecca viartańnie Rasii da raźlikaŭ u dalarach — rezki pavarot u paraŭnańni z raniejšaj palitykaj dedalaryzacyi i raźlikaŭ u nacyjanalnych valutach, jakija Maskva sprabuje raźvivać ź Indyjaj i Kitajem u miežach stvareńnia adzinaj valuty BRIKS.
Viartańnie da dalara dazvoliła b Rasii pašyryć valutny rynak i źnizić vahańni apłatnaha bałansu, a ZŠA — umacavać pazicyi dalara jak suśvietnaj reziervovaj valuty i skaracić hłabalnyja handlovyja dysbałansy. Pavodle Bloomberg, heta taksama stała b vialikaj pieramohaj administracyi Trampa ŭ jaje metach dla asłableńnia adnosin Maskvy i Piekina.
Piaskoŭ i Łaŭroŭ zajavili pra nieabchodnaść «pa-mužčynsku» trymacca «razumieńniaŭ», dasiahnutych u Ankorydžy
U ZŠA padrychtavali novyja sankcyi suprać Rasii na vypadak pravału pieramoŭ
Tramp zajaviŭ, što Pucin «strymaŭ abiacańnie» nie abstrelvać ukrainskija harady na praciahu tydnia
«Cisk na Pucina nie pracuje». Sienatar Hrem zaklikaŭ Trampa ŭzbroić Ukrainu «Tamahaŭkami»
Kamientary
Koniec vojny na usłovijach kapitulacii Ukrainy pieried putinym.