ZŠA abmiarkujuć ź Vienhryjaj i Słavakijaj admovu ad rasijskaha hazu
ZŠA majuć namier abmierkavać ź Vienhryjaj i Słavakijaj dalejšuju admovu ad rasijskich enierharesursaŭ, zajaviŭ dziaržsakratar Marka Rubia žurnalistam pa darozie ŭ Miunchien, dzie siońnia pačniecca mižnarodnaja kanfierencyja pa biaśpiecy.
«My praviadziom ź imi pieramovy. My budziem razmaŭlać ź imi pra toje, što pavinna adbycca. Ja nie źbirajusia ŭdavacca ŭ padrabiaznaści taho, što my źbirajemsia skazać na hetych sustrečach», — skazaŭ Rubia.
Rubia taksama nazvaŭ Vienhryju i Słavakiju krainami, jakija aktyŭna supracoŭničajuć sa Złučanymi Štatami i znachodziacca ź imi ŭ ciesnym partniorstvie.
Na pytańnie žurnalistaŭ ab mahčymych płanach praviadzieńnia sustrečy na palach kanfierencyi z prezidentam Ukrainy Uładzimiram Zialenskim Rubia adkazaŭ śćviardžalna. «Dumaju, tak. Ja dumaju, jon pavinien byŭ być tam. Ja nie na 100% upeŭnieny, ale dumaju, što atrymajecca», — adkazaŭ dziaržsakratar.
Taksama Rubia paviedamiŭ žurnalistam, što nie płanuje na hetym tydni naviedvać Rasiju.
Miunchienskaja kanfierencyja pa biaśpiecy startuje siońnia. U joj voźmie ŭdzieł Śviatłana Cichanoŭskaja.
Ciapier čytajuć
Vital z-pad Vilejki, jaki padpaliŭ chatu z ułasnymi dziećmi, zavierbavaŭsia ŭ rasijskaje vojska. I prapaŭ na pieršym ža bajavym zadańni5
Kamientary