Fihuryst z Kazachstana Michaił Šajdoraŭ siensacyjna vyjhraŭ zołata Alimpijady
Favaryt Hulniaŭ amierykaniec Illa Malinin pravaliŭ svabodnuju prahramu.
Fihuryst z Kazachstana Michaił Šajdoraŭ siensacyjna ŭčora vyjhraŭ zołata Alimpijady ŭ mužčynskim adzinočnym fihurnym katańni. Favaryt hulniaŭ amierykaniec Illa Malinin — tolki vośmy.
Favarytam hulniaŭ ličyŭsia 21‑hadovy hramadzianin ZŠA Illa Malinin, jaki naradziŭsia ŭ siamji ruskich fihurystaŭ Taćciany Malininaj i Ramana Skarniakova, jakija vystupali na čempijanatach SSSR i Rasii, a na mižnarodnym uzroŭni za Uźbiekistan.
Malinin lidziravaŭ paśla karotkaj prahramy, adnak dapuściŭ vialikuju kolkaść pamyłak u svabodnaj prahramie, minimum dvojčy ŭpaŭ. Sudździ ŭ svabodnaj prahramie pastavili jaho na 15‑ie miesca, vynikovaje (sumujecca karotkaja i svabodnaja) — 8‑ie miesca.
Čempijonam hulniaŭ staŭ spartsmien z Kazachstana Michaił Šajdoraŭ (siarebrany pryzior čempijanatu śvietu 2025), jamu taksama 21 hod.
Japoniec Juma Kahijama zavajavaŭ srebra, treciaje miesca zaniaŭ taksama spartsmien ź Japonii Siun Sata.
Michaił Šajdoraŭ vystupaŭ 19‑m u svabodnaj prahramie, a Malinin apošnim 24-m.
Paśla vystupu spartoviec, što vychodzić u lidary, siadaje pobač z astatnimi fihurystami, i było vielmi cikava sačyć za emocyjami Michaiła, jaki bačyŭ jak valilisia supierniki. Spačatku jon nie moh pavieryć, što zavajavaŭ jak minimum bronzu, potym — srebra, a paśla nizkich bałaŭ Malininu, Šajdoraŭ byŭ u šoku.
U niadzielu na Alimpijadzie projdzie karotkaja prahrama ŭ parnym katańni, u paniadziełak — svabodnaje katańnie.
Dziasiatka najlepšych krain paśla siami dzion Alimpijady
Ciapier čytajuć
«Ja nie bomž, u mianie navat biełyja škarpetki». U Minsku dziaŭčyna z Łuhanska raskłała pałatku prosta ŭ padjeździe šmatpaviarchovika, ustryvožyŭšy žycharoŭ2121
Kamientary
p.s. dobra adkataŭsia, małajčyna.