Akijan za niekalki dzion źmianiŭ abličča adnaho z samych viadomych plažaŭ Isłandyi

Na paŭdniovym uźbiarežžy vostrava, u dalinie Mirdałur, znachodzicca Rejnisfjara — čorny vułkaničny plaž, jaki ličycca adnoj z hałoŭnych pryrodnych słavutaściaŭ krainy. Jon admietny bazaltavymi kałonami, piačoraj la padnožža skał i mahutnymi chvalami Atłantyki. Štohod siudy pryjazdžajuć sotni tysiač turystaŭ, i plaž źjaŭlajecca abaviazkovym punktam bolšaści ekskursijnych maršrutaŭ pa poŭdni Isłandyi.

Praia de areia preta de Reynisfjara, na Islândia, considerada uma das mais perigosas do mundo

Muitas pessoas já foram mortas por ela, e é proibido virar de costas quando estiver próximo dela. pic.twitter.com/0fMl6nMd5a

— Goliaz (@Thomas_Andre_68) January 17, 2026

Tak plaž vyhladaŭ raniej. Videa: accuweather / Ch

Adnak za niekalki dzion lutaha abličča plaža kardynalna źmianiłasia. Jak paviedamlaje sajt icelandmonitor.mbl.is, bierahavaja linija była litaralna pierakrojenaja moram. Tam, dzie raniej ciahnuŭsia šyroki piasčany ŭčastak, ciapier staić hłybokaja vada. Zamiest davoli roŭnaha vychadu da akijana ŭtvaryŭsia vysoki stromki abryŭ, a ŭzdoŭž linii pryboju lažać vialikija vałuny. U piasčanaj zonie, pad samym abryvam, vidać masiŭnyja kamiani, jakija chvali ź siłaj pierakočvajuć uzdoŭž bieraha.

Sa słoŭ miascovych hidaŭ, mahutnyja płyni vymyli dziasiatki mietraŭ piasku. Kali jašče niadaŭna možna było padyści niepasredna da bazaltavych kałon i piačory, to ciapier mora dachodzić da samich skał, a vada zalivaje ŭvachod u hrot. Naziralniki adznačajuć, što źmieny adbylisia nadzvyčaj chutka — plaž staŭ vyhladać zusim inakš litaralna za paru dzion.

Rejnisfjara viadomaja nie tolki svajoj pryhažościu, ale i niebiaśpiekaj. Atłantyčnyja chvali tut asabliva mahutnyja i niepradkazalnyja. Raniej užo zdaralisia trahičnyja vypadki, kali ludziej, jakija padychodzili zanadta blizka da vady, zmyvała raptoŭnymi chvalami i vynosiła ŭ akijan.

The famous black sand beach, known as Reynisfjara was partially eroded by the ocean during a recent storm in Iceland pic.twitter.com/vzkvOqK5Ys

— Surajit (@Surajit_) February 13, 2026

Novaja kanfihuracyja bieraha moža pavialičyć ryzyku. Ekśpierty źviartajuć uvahu, što turysty sprabujuć spuskacca z novaŭtvoranaha abryvu da samaj vady. Pakul nadvorje vyhladaje spakojnym, niebiaśpieka moža zdavacca minimalnaj. Ale kali chvali raptoŭna ŭzmocniacca, tym, chto apyniecca ŭnizie, budzie ciažka chutka padniacca nazad pa krutym schile. U suviazi z hetym hučać zakliki ŭzmacnić kantrol na plažy, nie čakajučy novaha niaščasnaha vypadku.

Miascovyja žychary adznačajuć, što ŭźbiarežža Isłandyi zaŭsiody znachodzicca ŭ ruchu — piasok pastajanna pieramiaščajecca, bierahavaja linija źmianiajecca. Adnak ciapierašnija pracesy adbyvajucca ŭ značna bolšym maštabie, čym zvyčajna. Na praciahu niekalkich tydniaŭ studzienia-lutaha kraina znachodziłasia pad uździejańniem ustojlivych mocnych uschodnich viatroŭ. Vialikija abjomy piasku byli zmytyja i pieraniesienyja na zachad, u bok mysa Dziurchałaj.

Sinoptyki tłumačać heta spałučeńniem šyrokaj vobłaści vysokaha cisku na poŭnačy krainy i hłybokich cykłonaŭ na poŭdni. Paŭdniovaje ŭźbiarežža apynułasia ŭ zonie sutyknieńnia hetych sistem, što i pryviało da intensiŭnaj erozii.

Iceland's landscape is forever changing. Saw some recent videos of Reynisfjara & it looks so different from what I saw last December.

Weeks of strong easterly winds have nearly eroded the shoreline. Mother Nature always reminds us who is in charge.

PS: 1-3: 2/12/25
4: 2/26. pic.twitter.com/bsyuwU37wb

— Name Cannot Be Blank (@_adanneya) February 13, 2026

Niahledziačy na maštabnyja źmieny, naziralniki nie čakajuć źnižeńnia turystyčnaj cikavaści. Dla bolšaści naviedvalnikaŭ heta pieršy vizit, i jany ŭsprymajuć plaž takim, jakim bačać jaho ciapier. Adnak padziei apošnich dzion stali nahladnaj ilustracyjaj taho, nakolki chutka na vułkaničnym uźbiarežžy Paŭnočnaj Atłantyki mohuć źmianiacca navat samyja viadomyja i, zdavałasia b, zvykłyja krajavidy.

• 0
• 0
• 0
• 0
• 5
• 0
• 0
• 0