Na elektronnym aŭkcyjonie vystavili na prodaž pradstaŭničy siedan Rolls-Royce Ghost. Pačatkovaja cana aŭtamabila składaje 265 tysiač rubloŭ, što prykładna adpaviadaje 92,5 tysiačy dalaraŭ, paviedamlaje abw.by.
Mašynu vypuścili ŭ 2012 hodzie, a pradajecca jana jak aryštavanaja majomaść. Uładalnicaj aŭtamabila ličycca kampanija «Technaśpiectrejdynh», jakaja maje daŭhi.
U apisańni paznačana, što pracazdolnaść i poŭnaja kamplektacyja aŭtamabila nie praviaralisia. Akramia taho, na jaho nakładziena zabarona na rehistracyjnyja dziejańni pa rašeńni sudovaha vykanaŭcy.
Sam aŭkcyjon pavinien adbycca 7 krasavika.
Madel Rolls-Royce Ghost upieršyniu pradstavili ŭ 2009 hodzie na aŭtasałonie ŭ Ženievie. Aŭtamabil stvorany na płatformie BMW 7 Series. Na momant vychadu heta była samaja mahutnaja madel brenda, pakul u 2013 hodzie nie źjaviłasia kupe Wraith.
Kamientary