«Ja pažartavaŭ». Koŭł prakamientavaŭ słovy, što nie viedaŭ, dzie Biełaruś
Śpiecpasłańnik prezidenta ZŠA pa Biełarusi zajaviŭ, što pažartavaŭ, kali skazaŭ, što nie viedaŭ, dzie znachodzicca naša kraina, kali administracyja Donalda Trampa ŭpieršyniu nakiravała jaho ŭ Minsk z aficyjnym vizitam. Tak Koŭł prakamientavaŭ svaje słovy, skazanyja raniej u niekalkich intervju amierykanskim ŚMI, zaŭvažyła «Lusterka».
«Dyk što, Džon Koŭł byŭ namieśnikam śpiecpradstaŭnika pa kanflikcie pamiž Rasijaj i Ukrainaj i nie viedaŭ, dzie znachodzicca Biełaruś? Vy žartujecie? Spadziajusia, jon chacia b zmoža znajści Maskvu na karcie», — napisała karystalnica sacsietki X Nšo-či.
U adkaz na heta Džon Koŭł napisaŭ, što heta byŭ žart.
«Heta byŭ žart. Viadoma, ja viedaŭ, dzie znachodzicca Biełaruś», — napisaŭ śpiecpasłańnik Trampa.
Pra toje, jak jon da vizitu ŭ Minsk nibyta nie viedaŭ, dzie znachodzicca Biełaruś na karcie, Džon Koŭł publična raskazvaŭ jak minimum dva razy. Pieršy — vydańniu The Wall Street Journal u śniežni 2025 hoda.
U svaim apoviedzie pra sustrečy z Alaksandram Łukašenkam u Minsku śpiecpradstaŭnik adznačyŭ, što nie byŭ samym vidavočnym kandydatam dla dypłamatyčnaj misii ŭ Biełarusi.
«Pieršaje, što ja padumaŭ: dzie heta, čort pabiary?» — uspaminaŭ jon.
Druhi raz Koŭł paŭtaryŭ hetuju frazu za tydzień da svajho apošniaha vizitu ŭ Minsk u sakaviku 2026 hoda, vystupajučy ŭ Instytucie Makkiejna ŭ Vašynhtonie. Jon raskazaŭ aŭdytoryi, jak uvohule atrymaŭ pasadu śpiecpasłańnika i jak prajšła jaho pieršaja pajezdka ŭ Minsk.
«Usio pačałosia z telefonnaha zvanka… U toj čas ja byŭ namieśnikam pasłańnika pa kanflikcie pamiž Rasijaj i Ukrainaj hienierała [Kita] Kiełaha. Mnie telefanujuć: «Pajedzieš u Biełaruś?» Ja pytajusia: «A dzie hetaja Biełaruś?»» — raspavioŭ Koŭł.
Varta zaznačyć, što za čatyry pajezdki byłoha 78‑hadovaha amierykanskaha advakata ŭ Biełaruś udałosia vyzvalić 438 čałaviek.
«Łukašenka lubić łajacca matam, ty łaješsia ŭ adkaz. A harełku ja vylivaŭ na padłohu». Koŭł raspavioŭ pra vizity ŭ Minsk
Koŭł Łukašenku: Tabie treba być bolš aściarožnym, za stałom kiepskich pacanoŭ zastaŭsia adzin ty
«Treba sieści i razmaŭlać». Koŭł zajaviŭ pra nieabchodnaść dyjałohu pamiž Biełaruśsiu i Litvoj na ŭzroŭni ministraŭ
«Pracujem nad hetaj metaj». Džon Koŭł adkazaŭ na list Kaciaryny Andrejevaj
Ciapier čytajuć
Chto tyja dva piersanažy, jakija nie pili ŭ mižvajennaj Vilni, jak Zośku Vieras abudzili ad letarhii i ci praŭdzivaja bajka pra Karatkieviča i restaran11
Kamientary