Litoŭski biznesmien prapanavaŭ dazvolić tranzit biełaruskich uhnajeńniaŭ, a hrošy tracić na abaronu
Kiraŭnik litoŭskaj deviełapierskaj kampanii Hanner Arvidas Avulis prapanavaŭ adnavić tranzit biełaruskich uhnajeńniaŭ praź Litvu, a atrymanyja za heta hrošy nakiroŭvać na ŭzmacnieńnie abarony krainy, piša Delfi.lt.
Arvidas Avulis ličyć, što Litva pavinna zachoŭvać pryncypovuju pazicyju adnosna Biełarusi, ale adnačasova dziejničać bolš prahmatyčna i ŭličvać ekanamičnuju vyhadu. Pavodle jaho słoŭ, možna dazvolić tranzit, pry hetym farmalna nie padtrymlivajučy ŭładu Alaksandra Łukašenki i zajaŭlajučy pra padtrymku demakratyčnych sił.
Razam z tym biznesmien adznačyŭ, što taki krok mahčymy tolki pry peŭnych umovach. Jon prapanuje vykarystoŭvać tranzit jak instrumient cisku: kali z boku Biełarusi buduć parušeńni, naprykład, zapusk kantrabandy abo nielehalnaja mihracyja, to tranzit možna adrazu spynić.
Padobnuju ideju raniej vykazvaŭ i lidar papulisckaj partyi «Zara nad Niomanam» Remihijus Žamajtajcis.
U toj ža čas premjer-ministarka Litvy Inha Ruhinienie zajaviła, što mahčymaść dyjałohu ź Biełaruśsiu budzie razhladacca tolki pry vykanańni šerahu ŭmoŭ: spynieńni kantrabandy praź miažu, viartańni zatrymanych hruzavikoŭ biez štrafaŭ i adsutnaści nielehalnaj mihracyi.
Prezident Hitanas Naŭsieda padkreśliŭ, što adnosiny ź Biełaruśsiu mohuć palepšycca tolki tady, kali jana pierastanie stvarać pahrozy i budzie hatovaja da narmalnaha susiedstva. Jon taksama adznačyŭ, što pytańnie tranzitu ŭhnajeńniaŭ razhladajecca na ŭzroŭni ŭsiaho Jeŭrapiejskaha Sajuza.
Cichanoŭskaja: My zaklikajem ZŠA nie cisnuć na Litvu nakont sankcyj
Premjer Litvy: Možna razhledzieć sustreču ź Biełaruśsiu na ŭzroŭni vice-ministraŭ, ale ŭ Vilni jość umovy
Praz port u Kłajpiedzie ŭ minułym hodzie pieravieźli kala 1 miljona ton biełaruskich i rasijskich hruzaŭ
Naŭsieda: Ja budu siarod tych, chto najbolš žorstka patrabuje padaŭžeńnia sankcyj ES suprać Biełarusi
Kamientary