«Rasija ciśnie na ZŠA». Zialenski raskryŭ novyja terminy, pastaŭlenyja rasijanami dla zachopu Danbasa
1 krasavika Ukraina i ZŠA praviaduć pieramovy ab zaviaršeńni vajny ŭ videafarmacie. Pra heta prezident Ukrainy Uładzimir Zialenski paviedamiŭ padčas vychadu da presy z nahody čaćviortaj hadaviny vyzvaleńnia Bučy, pieradaje UNIAN.
«Ja padklučusia — jany mianie taksama paprasili. Ja pra heta siońnia ŭnačy havaryŭ z hiensakam NATA Markam Rute. My damovilisia, što jon, ja, Uitkaf, Kušnier, Lindsi Hrem — niechta jašče tam budzie. Abmiarkujem, dzie my znachodzimsia. I nakolki blizkija my da trochbakovych damoŭlenaściaŭ, chacia b da trochbakovaj sustrečy. Tamu zaŭtra ŭ nas buduć adpaviednyja kantakty», — skazaŭ Zialenski.
Prezident Ukrainy taksama dadaŭ, što samym aktualnym na pieramovach zastajecca pytańnie terytoryj. Pavodle jaho słoŭ, ukrainskim kampramisam źjaŭlajecca hatoŭnaść spynić vajnu pa linii frontu. U toj čas jak RF praciahvaje patrabavać vychadu Ukrainy z terytoryi Danieckaj vobłaści.
«Jany kažuć amierykanskamu boku: zaraz novyja terminy: praz dva miesiacy zachopiać uschod našaj dziaržavy, zachopiać Danbas. I tamu va Ukrainy jość dva miesiacy, kab syści. I tady vajna skončycca. A kali Ukraina nie sydzie, to Rasija zachopić Danbas i potym buduć inšyja ŭmovy. Łahičnaje pytańnie — kali ich metaj źjaŭlajecca tolki Danbas, to navošta jany kažuć, što pojduć dalej, kali im udasca zachapić Danbas? To-bok pytańnie nie ŭ Danbasie», — dadaŭ Zialenski.
Pavodle jaho słoŭ, RF nie ŭdasca realizavać hety płan na praktycy, i Maskva heta razumieje. Adnak jany praciahvajuć cisnuć na ZŠA, kab Vašynhton prymusiŭ Ukrainu pajści na sastupki.
«Ja liču, što siońnia Rasija ciśnie na Amieryku. Tamu što nabližajucca vybary. Zrazumieła, što ZŠA treba rabić roznyja kroki i va ŭnutranaj palitycy, i ŭ źniešniaj. My vielmi spadziajemsia na pieramoŭnym treku viarnuć łohiku, a nie emacyjnaść Rasii», — patłumačyŭ Zialenski.
Rubia paćvierdziŭ, što ZŠA mohuć pieranakiravać zbroju, pryznačanuju dla Ukrainy, na Blizki Uschod
Pucin na zakrytaj sustrečy z bujnymi biznesmienami prapanavaŭ im dobraachvotna prafinansavać vajnu z Ukrainaj
Zialenski: ZŠA chočuć, kab Ukraina vyjšła z Danbasu ŭ abmien na harantyi biaśpieki
ZŠA na pieramovach z Ukrainaj patrabujuć vyvadu vojsk z Danbasa
Zamknionaje koła. Čamu buksujuć pieramovy pra mir va Ukrainie?
Zialenski zaklikaŭ Trampa dla zakančeńnia vajny macniej cisnuć na Pucina, a nie na jaho
Nastaśsia Kaściuhova pra pazicyju Statkieviča i Cichanoŭskaj: Prapanova «dacisnuć» hučyć jak prapanova jašče pačakać niezrazumieła čaho i jak doŭha3636
Kamientary