«Расія цісне на ЗША». Зяленскі раскрыў новыя тэрміны, пастаўленыя расіянамі для захопу Данбаса
1 красавіка Украіна і ЗША правядуць перамовы аб завяршэнні вайны ў відэафармаце. Пра гэта прэзідэнт Украіны Уладзімір Зяленскі паведаміў падчас выхаду да прэсы з нагоды чацвёртай гадавіны вызвалення Бучы, перадае УНІАН.
«Я падключуся — яны мяне таксама папрасілі. Я пра гэта сёння ўначы гаварыў з генсакам НАТА Маркам Рутэ. Мы дамовіліся, што ён, я, Уіткаф, Кушнер, Ліндсі Грэм — нехта яшчэ там будзе. Абмяркуем, дзе мы знаходзімся. І наколькі блізкія мы да трохбаковых дамоўленасцяў, хаця б да трохбаковай сустрэчы. Таму заўтра ў нас будуць адпаведныя кантакты», — сказаў Зяленскі.
Прэзідэнт Украіны таксама дадаў, што самым актуальным на перамовах застаецца пытанне тэрыторый. Паводле яго слоў, украінскім кампрамісам з'яўляецца гатоўнасць спыніць вайну па лініі фронту. У той час як РФ працягвае патрабаваць выхаду Украіны з тэрыторыі Данецкай вобласці.
«Яны кажуць амерыканскаму боку: зараз новыя тэрміны: праз два месяцы захопяць усход нашай дзяржавы, захопяць Данбас. І таму ва Украіны ёсць два месяцы, каб сысці. І тады вайна скончыцца. А калі Украіна не сыдзе, то Расія захопіць Данбас і потым будуць іншыя ўмовы. Лагічнае пытанне — калі іх мэтай з'яўляецца толькі Данбас, то навошта яны кажуць, што пойдуць далей, калі ім удасца захапіць Данбас? То-бок пытанне не ў Данбасе», — дадаў Зяленскі.
Паводле яго слоў, РФ не ўдасца рэалізаваць гэты план на практыцы, і Масква гэта разумее. Аднак яны працягваюць ціснуць на ЗША, каб Вашынгтон прымусіў Украіну пайсці на саступкі.
«Я лічу, што сёння Расія цісне на Амерыку. Таму што набліжаюцца выбары. Зразумела, што ЗША трэба рабіць розныя крокі і ва ўнутранай палітыцы, і ў знешняй. Мы вельмі спадзяемся на перамоўным трэку вярнуць логіку, а не эмацыйнасць Расіі», — патлумачыў Зяленскі.
Рубіа пацвердзіў, што ЗША могуць перанакіраваць зброю, прызначаную для Украіны, на Блізкі Усход
Пуцін на закрытай сустрэчы з буйнымі бізнэсменамі прапанаваў ім добраахвотна прафінансаваць вайну з Украінай
Зяленскі: ЗША хочуць, каб Украіна выйшла з Данбасу ў абмен на гарантыі бяспекі
ЗША на перамовах з Украінай патрабуюць вываду войск з Данбаса
Замкнёнае кола. Чаму буксуюць перамовы пра мір ва Украіне?
Зяленскі заклікаў Трампа для заканчэння вайны мацней ціснуць на Пуціна, а не на яго
Мінчук зняў ролік пра чаргу ў паліклініцы, дзе было больш за 150 чалавек. За гэта на яго напісалі заяву ў міліцыю10
Каментары