Łukašenka vykazaŭsia pra deficyt miedykaŭ i prapanavaŭ im pracavać bolš
«Davajcie spyniemsia nyć i płakać, što ŭ nas ludziej nie chapaje».
Na adkryćci 42‑j haradskoj palikliniki ŭ Minsku Alaksandr Łukašenka zakranuŭ pytańnie deficytu rabotnikaŭ u krainie.
«Davajcie spynimsia nyć i płakać, što ŭ nas ludziej nie chapaje. Mnie chočacca, kab u Biełarusi ŭsio było pryhoža i jakasna. Ludziej u nas chapaje. Treba vybudavać sistemu tak, kab tyja ludzi, jakija jość, mahli pracavać, i zarablać, i absłuhoŭvać nasielnictva», — skazaŭ Łukašenka.
«Heta bolš čym na 200 pracentaŭ tyčycca Ministerstva achovy zdaroŭja. Miedyki jak prezident: kolki treba, stolki i pracujuć», — dadaŭ jon.
Vidać, hetymi słovami Łukašenka chacieŭ skazać, što miedyki pavinny pracavać bolej, bo sam pra siabie jon lubić paŭtarać, što pracuje biez vodpuskaŭ. Pry hetym z pačatku tydnia ŭ Łukašenki, miarkujučy pa paviedamleńniach jaho pres-słužby i źjaŭleńni ŭ publičnaj prastory, siońnia tolki treci pracoŭny dzień. U paniadziełak jon prymaŭ rasijskaha hubiernatara, u sieradu pravodziŭ naradu z vajskoŭcami. Aŭtorak i čaćvier byli pryśviečanyja chakieju.
Ciapier čytajuć
U milicejskim konkursie pryhažości pieramahła amapaŭka, jakaja ŭ 2020 hodie razhaniała pratesty38
Kamientary