«Tabie što, ruskich hrošaj škada?» Daniejka zhadaŭ zabaŭny vypadak z Babarykam u samalocie
Ekanamist Pavieł Daniejka raskazaŭ, jak adhavorvaŭ Babaryku ad palotaŭ biznes-kłasam.
U novym vypusku prahramy «Mnie tolki spytać» na «Biełsacie» viadomy ekanamist Pavieł Daniejka siarod inšaha raskazaŭ pra sumiesnyja paloty z tahačasnym staršynioj praŭleńnia «Biełhazprambanka» Viktaram Babarykam.
Daniejka na zaniatkach sa studentami prahramy Executive MBA, siarod jakich było šmat top-mieniedžaraŭ i ŭładalnikaŭ biznesu, prasoŭvaŭ ideju, što latać biznes-kłasam na karotkich rejsach (na paŭtary-dźvie hadziny) — heta «prosta panty».
Adnak u vyniku sam trapiŭ u situacyju, jakaja supiarečyła jahonym słovam.
«Babaryka mianie ŭciahnuŭ u radu dyrektaraŭ «Biełhazprambanka». I my palacieli na pasiadžeńnie rady dyrektaraŭ u Sankt-Pieciarburh. I tam kvitki biznes-kłasa. My raźmiaścilisia, a ludzi zachodziać, i tam dva ci try maich studenty z MBA, jakim ja raskazvaŭ, što tak latać nielha. Jany, viadoma, vietliva sa mnoj pavitalisia, spytali: «Jak vam u biznes-kłasie?» Karaciej, zasrancy adciahnulisia na mnie na poŭnuju katušku», — z humaram zhadvaje ekanamist.
Padčas taho palotu Daniejka pasprabavaŭ pierakanać Babaryku: «Davaj nastupnym razam budziem latać inšym sposabam, nu kvitki ž darahija, niadobra».
«Jon pahladzieŭ na mianie i kaža: «Što tabie, ruskich hrošaj škada?» Nu, tut ja i zmoŭk. My praciahnuli latać biznes-kłasam, bo ja zrazumieŭ, što my jak by padryvajem ruskuju pazicyju», — raskazaŭ Daniejka.
Ciapier čytajuć
Ździełka Trampa z Pucinym: čym za jaje mohuć zapłacić Ukraina i Biełaruś3
Ździełka Trampa z Pucinym: čym za jaje mohuć zapłacić Ukraina i Biełaruś
Rasijski repier Jahor Kryd źniaŭsia ŭ majcy z vyjavaj hieroja filma «Idzi i hladzi», jakomu damalavali pirsinh i tatuiroŭki. Cišotku vypuścili krama biełaruski77
Rasijski repier Jahor Kryd źniaŭsia ŭ majcy z vyjavaj hieroja filma «Idzi i hladzi», jakomu damalavali pirsinh i tatuiroŭki. Cišotku vypuścili krama biełaruski7
«Zaprasiŭ mianie na spatkańnie i pryjechaŭ na jaho z pakietam pamidoraŭ zamiest kvietak». Što ŭspaminajuć pra Jana Pamiedora Reuckaha, admina šmattysiačnaj supołki biełarusaŭ Polščy77
Kamientary