Fiederalny kancler Hiermanii Frydrych Mierc pravioŭ telefonnuju razmovu z prezidentam ZŠA Donaldam Trampam paśla abviaščeńnia pieramirja pamiž ZŠA i Iranam. Pavodle infarmacyi Bild, razmova była karotkaj i prajšła ŭ dobrazyčlivaj atmaśfiery.
Frydrych Mierc, jak paviedamlajecca, chacieŭ daviedacca, na jakoj stadyi znachodziacca dypłamatyčnyja namahańni pa ŭrehulavańni kanfliktu.
Da hetaha jon vitaŭ pieramirje i vykazaŭ padziaku Pakistanu za pasrednictva. Na jaho dumku, pieramovy nieabchodnyja nie tolki dla spynieńnia eskałacyi, ale i dla abarony mirnaha nasielnictva Irana i harantavańnia biaśpieki ŭ rehijonie.
Mierc taksama padkreśliŭ važnaść niedapuščeńnia hłabalnaha enierhietyčnaha kryzisu. Jon adznačyŭ, što Hiermanija padtrymlivaje ciesny kantakt sa Złučanymi Štatami i inšymi partniorami i budzie ŭdzielničać u zabieśpiačeńni svabody sudnachodstva ŭ Armuzskim pralivie.
Padčas praviadzieńnia ZŠA i Izrailem vajennych dziejańniaŭ Mierc nieadnarazova krytykavaŭ dziejańni Trampa i admoviŭsia ich padtrymać, kažučy, što heta nie vajna Hiermanii i Jeŭropy. Tramp u adkaz vykazvaŭsia taksama vielmi vostra.
Jak pahroza z boku Rasii zrabiła Hiermaniju viadučaj vajskovaj siłaj Jeŭropy
Mierc padvierhnuŭ rezkaj krytycy dziejańni Trampa na Blizkim Uschodzie
Mierc abvinavaciŭ Trampa ŭ «maštabnaj eskałacyi» kanfliktu ź Iranam
Tramp: Kali dla Jeŭropy vajna ŭ Iranie — nie ich vajna, to i vajna va Ukrainie — nie naša
Jak adreahavali ŭ śviecie na apieracyju ZŠA i Izraila suprać Irana
Ciapier čytajuć
«My dajom Štatam toje, što jany chočuć». Rasijski kanał apublikavaŭ videa, jakoje nazyvajuć zapisam Ryžankova schavanaj kamieraj u mašynie12
Kamientary