«Vašyja parady mnie vielmi dapamahli». Śviatłana Cichanoŭskaja pavinšavała Ivonku Surviłu ź jubilejem
Śviatłana Cichanoŭskaja pavinšavała staršyniu Rady BNR Ivonku Surviłu ź jubilejem. Survile siońnia spaŭniajecca 90 hadoŭ. Jany źviazalisia pa videasuviazi.
Cichanoŭskaja padziakavała Ivoncy Survile za šmathadovuju pracu dziela Biełarusi i biełarusaŭ. Jany abmierkavali situacyju ŭ Biełarusi i ŭ śviecie, nieabchodnaść trymać Biełaruś u mižnarodnym paradku dnia.
U razmovie Cichanoŭskaja adznačyła i histaryčnuju rolu Rady BNR, a taksama pavinšavała Ivonku Surviłu z vychadam knihi «U vosiem hadoŭ ja była na vajnie».
«Usio svajo žyćcio Vy pryśviacili Biełarusi. Dzie b Vy ni byli, jakija b pasady i roli nie zajmali — Vy zaŭždy pracavali na karyść našaj lubimaj Baćkaŭščyny. Vy ŭzdymali biełaruskaje pytańnie ŭ vysokich kabinietach, dapamahali biełarusam u vyhnańni, ratavali dzietak paśla Čarnobylskaj trahiedyi. Vy abjadnoŭvajecie ŭsich biełarusaŭ — tych, chto apynuŭsia ŭ vyhnańni, i tych, chto zastavaŭsia doma.
Ale mianie najbolš uražvaje Vaša čałaviečnaść, Vaša ciepłynia i empatyčnaść. Ja z pryjemnaściu zhadvaju kožnuju našuju sustreču i razmovu. Z Vami lohka i spakojna, nibyta razmaŭlaješ ź blizkim čałaviekam, jaki razumieje bieź lišnich słoŭ. I Vašyja parady mnie vielmi dapamahli na samym pačatku majho palityčnaha šlachu, i ja časta źviartajusia da ich znoŭku.
Dziakuj Vam za toje, što robicie, dziakuj za Vašuju siłu duchu i za luboŭ da Biełarusi, jakuju Vy niesiacie praz usio žyćcio», — skazała Ivoncy Survile Śviatłana Cichanoŭskaja.
Ciapier čytajuć
Viktar Łukašenka zaśviaciŭ na pasiadžeńni NAK svoj hadzińnik — ciažki luks32
Viktar Łukašenka zaśviaciŭ na pasiadžeńni NAK svoj hadzińnik — ciažki luks
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki2222
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki22
«Čas, jaki patrabuje nadzvyčajnaj aściarožnaści». Polski vunderkind, jaki staŭ hałoŭnym navukoŭcam OpenAI, patłumačyŭ, čamu mienavita zaraz ŠI moža vyrvacca z-pad kantrolu88
Kamientary