«Вашыя парады мне вельмі дапамаглі». Святлана Ціханоўская павіншавала Івонку Сурвілу з юбілеем
Святлана Ціханоўская павіншавала старшыню Рады БНР Івонку Сурвілу з юбілеем. Сурвіле сёння спаўняецца 90 гадоў. Яны звязаліся па відэасувязі.
Ціханоўская падзякавала Івонцы Сурвіле за шматгадовую працу дзеля Беларусі і беларусаў. Яны абмеркавалі сітуацыю ў Беларусі і ў свеце, неабходнасць трымаць Беларусь у міжнародным парадку дня.
У размове Ціханоўская адзначыла і гістарычную ролю Рады БНР, а таксама павіншавала Івонку Сурвілу з выхадам кнігі «У восем гадоў я была на вайне».
«Усё сваё жыццё Вы прысвяцілі Беларусі. Дзе б Вы ні былі, якія б пасады і ролі не займалі — Вы заўжды працавалі на карысць нашай любімай Бацькаўшчыны. Вы ўздымалі беларускае пытанне ў высокіх кабінетах, дапамагалі беларусам у выгнанні, ратавалі дзетак пасля Чарнобыльскай трагедыі. Вы аб’ядноўваеце ўсіх беларусаў — тых, хто апынуўся ў выгнанні, і тых, хто заставаўся дома.
Але мяне найбольш уражвае Ваша чалавечнасць, Ваша цеплыня і эмпатычнасць. Я з прыемнасцю згадваю кожную нашую сустрэчу і размову. З Вамі лёгка і спакойна, нібыта размаўляеш з блізкім чалавекам, які разумее без лішніх слоў. І Вашыя парады мне вельмі дапамаглі на самым пачатку майго палітычнага шляху, і я часта звяртаюся да іх зноўку.
Дзякуй Вам за тое, што робіце, дзякуй за Вашую сілу духу і за любоў да Беларусі, якую Вы несяце праз усё жыццё», — сказала Івонцы Сурвіле Святлана Ціханоўская.
Цяпер чытаюць
Прабітыя лёгкія, разарваная печань і сэкс з малалетняй: што адбываецца ўнутры беларускай міліцыі і як начальства гэта хавае26
Прабітыя лёгкія, разарваная печань і сэкс з малалетняй: што адбываецца ўнутры беларускай міліцыі і як начальства гэта хавае
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім1414
Каментары