Iran zajaviŭ pra hatoŭnaść abmiarkoŭvać z ZŠA stupień uzbahačeńnia ŭranu
Iran zajaviŭ, što hatovy da pieramoŭ z ZŠA pa klučavych pytańniach — u tym liku adnosna ŭzroŭniu ŭzbahačeńnia ŭranu i biaśpiečnaha sudnachodstva ŭ Armuzskim pralivie, paviedamlaje The Moscow Times.
Pradstaŭnik iranskaha MZS Esmaił Bahai adznačyŭ, što tema ŭzbahačeńnia ŭranu nie novaja: Tehieran i raniej zajaŭlaŭ pra hatoŭnaść abmiarkoŭvać jak sam praces, tak i jaho maštaby. Adnak Iran nastojvaje, što maje prava raźvivać jadziernuju prahramu ŭ adpaviednaści sa svaimi patrebami.
Akramia hetaha, Iran moža razhledzieć mahčymaść biaśpiečnaha prachodu cyvilnych sudnaŭ praz častku Armuzskaha praliva, jakaja prymykaje da Amanu. Heta mahčyma pry ŭmovie, što ZŠA pahodziacca na peŭnyja patrabavańni Tehierana i budzie dasiahnuta damoŭlenaść, jakaja vyklučyć novyja ataki suprać Irana. Pry hetym pakul niezrazumieła, ci budzie zabiaśpiečany prachod dla ŭsich sudnaŭ biez vyklučeńnia i ci buduć źniatyja mahčymyja minnyja zaharody.
Kab paśpieć damovicca, baki abmiarkoŭvajuć padaŭžeńnie dziejnaha pieramirja jašče na dva tydni. Ciapier jano pavinna skončycca 21 krasavika. Pieramovy praciahvajucca, i, pavodle infarmacyi krynic, užo jość peŭny prahres — baki nablizilisia da papiaredniaha pahadnieńnia ab spynieńni vajny.
Tym nie mienš, kančatkovaje pahadnieńnie pakul nie harantavanaje, bo pamiž Iranam i ZŠA zastajucca surjoznyja roznahałośsi. Čakajecca, što novy raŭnd pieramoŭ moža adbycca ŭ najbližejšyja dni, ale dakładnaja data jašče nie vyznačanaja.
U Dubai paśla iranskich udaraŭ zakryvajuć na rekanstrukcyju znakamity «hatel-vietraź»
Pieršy kitajski tankier, jaki sprabavaŭ prarvać błakadu Armuzskaha praliva, viarnuli nazad
Kitaj moh pieradać Iranu svoj spadarožnik dla naviadzieńnia ŭdaraŭ pa amierykanskich abjektach
Režym u Iranie źmianiŭsia — pryčym u horšy bok
Tramp nazvaŭ abaviazkovuju ŭmovu dla ździełki ź Iranam
Kamientary
Jakoje nachabstva, na miažy ździeku. Chto ŭvohule daŭ im prava rasparadžacca sudnachodstvam u čužych terytaryjalnych vodach ? Bač, jany zhodnyja harantavać biaśpiečnuju navihacyju ŭ tervodach Amana!...
"Tehieran i raniej zajaŭlaŭ pra hatoŭnaść abmiarkoŭvać jak sam praces, tak i jaho maštaby." -> Tolki čamuści ŭzrovień uzbahačeńnia atrymlivaŭsia prydatny dla stvareńnia ja.z. Peŭna praź niedahlad, varyli adno, a zvaryli inšaje... Byvaje...:)