Pramysłovy vyłaŭ ryby ŭ Paleskim radyjacyjna-ekałahičnym zapaviedniku staŭ adnym z ekśpierymientalnych napramkaŭ dziejnaści, paviedamiŭ dyrektar zapaviednika Alaksiej Ciškaviec.
Kiraŭnik zapaviednika adznačaje, što hetaja praca davoli efiektyŭnaja, bo Prypiać — raka, ščodraja na rybu:
«Da 30 ton ryby my štohod łovim. Praciahłaść raki Prypiać — kala 72 km pa terytoryi zapaviednika. Ciapier, pakul idzie nierast, rybałoŭny promysieł na paŭzie, a ŭ mai naša bryhada prystupić da łoŭli. Ryba ŭ Prypiaci čystaja. Łovim tolki na race, nie zachodzim u starycy i hetak dalej», — raskazaŭ Alaksiej Ciškaviec.
Siarod vidaŭ ryby, jakija traplajucca ŭ Prypiaci, — som, lešč, ščupak, taŭstałobik, žerach. Pa słovach dyrektara zapaviednika, zdaralisia vypadki, kali za noč ułoŭ składali sotni kiłahramaŭ samoŭ.
Asabliva jamu zapomniŭsia vypadak z hihanckim somam vahoj kala 50 kh, jaki byŭ navat daŭžejšy za rost čałavieka i jakoha daviałosia pieranosić čatyrom ludziam.
Na Homielščynie pastaviać ahladnuju vyšku ź vidam na Čarnobylskuju AES
Na Radaŭnicu mohiłki ŭ adsielenych čarnobylskich vioskach možna naviedvać biez propusku
Na miažy z Ukrainaj adkryli kompleks jašče adnoj pamiežnaj zastavy
U biaźludnaj zonie adčužeńnia na Homielščynie pačali budavać niekalki vyšak suviazi
Ciapier čytajuć
Byłoha milicyjaniera asudzili za žadańnie vajavać u Pałku Kalinoŭskaha. Pahražała da 15 hadoŭ kałonii11
Kamientary