Прамысловы вылаў рыбы ў Палескім радыяцыйна-экалагічным запаведніку стаў адным з эксперыментальных напрамкаў дзейнасці, паведаміў дырэктар запаведніка Аляксей Цішкавец.
Кіраўнік запаведніка адзначае, што гэтая праца даволі эфектыўная, бо Прыпяць — рака, шчодрая на рыбу:
«Да 30 тон рыбы мы штогод ловім. Працягласць ракі Прыпяць — каля 72 км па тэрыторыі запаведніка. Цяпер, пакуль ідзе нераст, рыбалоўны промысел на паўзе, а ў маі наша брыгада прыступіць да лоўлі. Рыба ў Прыпяці чыстая. Ловім толькі на рацэ, не заходзім у старыцы і гэтак далей», — расказаў Аляксей Цішкавец.
Сярод відаў рыбы, якія трапляюцца ў Прыпяці, — сом, лешч, шчупак, таўсталобік, жэрах. Па словах дырэктара запаведніка, здараліся выпадкі, калі за ноч улоў складалі сотні кілаграмаў самоў.
Асабліва яму запомніўся выпадак з гіганцкім сомам вагой каля 50 кг, які быў нават даўжэйшы за рост чалавека і якога давялося пераносіць чатыром людзям.
Цяпер чытаюць
У Магілёве на доме, які аддалі пад расійскае пасольства, замалявалі мурал з «Пагоняй». Хоць экспертыза забараняла гэта рабіць2
У Магілёве на доме, які аддалі пад расійскае пасольства, замалявалі мурал з «Пагоняй». Хоць экспертыза забараняла гэта рабіць
У Быхаве паставілі выродлівы помнік жанчыне. Разам са скульптурай у Касцюковічах ён можа стаць сімвалам культурнай дэградацыі Беларусі пры Лукашэнку5757
Каментары