Na Homielščynie pastaviać ahladnuju vyšku ź vidam na Čarnobylskuju AES
U Paleskim radyjacyjna-ekałahičnym zapaviedniku płanujuć adkryć naziralnuju vyšku, ź jakoj možna budzie bačyć sarkafah nad Čarnobylskaj AES, piša BiełTA.
Kiraŭnictva zapaviednika paviedamiła, što vyška budzie vyšynioj bolš za 5 mietraŭ i atrymaje zručny i biaśpiečny padjom dla naviedvalnikaŭ. Usiaredzinie płanujecca zrabić usio nieabchodnaje dla kamfortu turystaŭ, a dla lepšaha ahladu buduć dastupnyja binokli.
Asnoŭny vid z hetaj placoŭki — na abjekt «Ukryćcio», bolš viadomy jak sarkafah nad čaćviortym enierhabłokam Čarnobylskaj AES. Pry dobrych umovach nadvorja hety abjekt sapraŭdy možna ŭbačyć z terytoryi zapaviednika.
Pry hetym adznačajecca, što na terytoryi zapaviednika ŭžo isnuje pažarnaja vyška z šyrokim ahladam, ale jana nie pryznačanaja dla naviedvalnikaŭ.
Budaŭnictva novaj naziralnaj placoŭki ŭžo viadziecca i, pavodle płanaŭ, jaje mohuć adkryć užo letam, papiarednie ŭ červieni. U zapaviedniku padkreślivajuć, što raźvićcio infrastruktury pryvodzić da rostu turystyčnaha patoku — štohod kolkaść naviedvalnikaŭ pavialičvajecca.
Na Radaŭnicu mohiłki ŭ adsielenych čarnobylskich vioskach možna naviedvać biez propusku
«Čarnobylski šlach» u hetym hodzie projdzie pad łozunham «Za niezaležnuju biaźjadziernuju Biełaruś»
Biełhidramiet raskazaŭ, što z radyjacyjaj u Biełarusi paśla incydentu na Čarnobylskaj AES
Na Čarnobylskaj AES papiaredzili, što abarončy sarkafah moža nie vytrymać novaha rasijskaha ŭdaru
Ciapier čytajuć
Muzyka Cim Suładze: Roźnica 30 hadoŭ — toje, što adpaviadaje maim ujaŭleńniam pra adnosiny44
Kamientary