Aryštavanyja ŭ ksiandza Hienrycha Akałatoviča staradaŭnija ikony vyvieźli ŭ Nacyjanalny mastacki muziej i vystavili na aŭkcyjon
Heta dźvie ikony.
U Biełarusi na dziaržaŭny aŭkcyjon vystavili dźvie ikony, daŭžnikom pa łocie paznačany Akałatovič Hienadź Uładzisłavavič (śvieckaje imia ksiandza Hienrycha), piša «Chryścijanskaja vizija».
Havorka idzie pra dźvie ikony:
«Śviaciciel Julijan, jepiskap Kienamanijski» (XIX — pačatak XX stahodździa; dreva, alej; 52,8 × 30 sm). U apisańni adznačajecca, što siužet sustrakajecca redka i ŭjaŭlaje histaryčnuju cikavaść jak abjekt kulturnaj spadčyny. Pačatkovaja cana łota — 700 BYN, tarhi — 14 maja. Miescaznachodžańnie ikony ŭ kartcy łota: Minsk, vuł. Lenina, 20 (Nacyjanalny mastacki muziej).
«Uvaskrasieńnie Chrysta z hroba» (druhaja pałova — kaniec XVIII stahodździa; dreva, alej; 31 × 31 sm). Ikona ŭjaŭlaje saboj jeŭrapiejski varyjant siužeta «Uvaskrasieńnie Chrysta», vierahodna, stvorana dla śviatočnaha rada ikanastasa. Naležyć da ŭzoraŭ relihijnaha žyvapisu ŭ akademičnym styli. Maje histaryčnaje i mastackaje značeńnie, ujaŭlaje cikavaść jak abjekt kulturnaj spadčyny. Pačatkovaja cana łota — 4000 BYN, tarhi — 14 maja. Miescaznachodžańnie ikony ŭ kartcy łota: Minsk, vuł. Lenina, 20.
Heta praciah historyi z majomaściu katalickaha śviatara Hienrycha Akałatoviča: paśla jaho vyzvaleńnia i vymušanaha vyjezdu ź Biełarusi ŭłady, pavodle rašeńnia suda, praciahnuli kanfiskacyju majomaści dla pahašeńnia «nibyta zapazyčanaści».
Raniej paviedamlałasia, što ŭ jaho aryštavali i vystavili na prodaž aŭtamabil (jaho pradali) i nievialiki ziamielny ŭčastak (jaho sprabavali pradać, ale pakupnikoŭ nie znajšłosia). Ciapier u pieraliku aryštavanaj majomaści źjavilisia i carkoŭnyja kaštoŭnaści — ikony.
«Fieminizm u maim vypadku pieramoh». Vieranika Stankievič — pra dapamohu palitviaźniam u «Volnych» i płany na viasielle ź Ivulinym24
«Fieminizm u maim vypadku pieramoh». Vieranika Stankievič — pra dapamohu palitviaźniam u «Volnych» i płany na viasielle ź Ivulinym
Irłandziec, da jakoha małaja Cichanoŭskaja jeździła ŭ 1990-ja: «Kali b niechta skazaŭ, što adnoje z hetych dziaciej stanie palitykam, ja b pakazaŭ na Śvietu»2222
Irłandziec, da jakoha małaja Cichanoŭskaja jeździła ŭ 1990-ja: «Kali b niechta skazaŭ, što adnoje z hetych dziaciej stanie palitykam, ja b pakazaŭ na Śvietu»22
«Pra ciažarnaść viedali tolki jana i jaje chłopiec». Stali viadomyja padrabiaznaści historyi ź miortvym niemaŭlom, znojdzienym u Baranavičach u pakiecie
Kamientary
Intieriesno, kto ich kupit ?
Po idieje, nie tolko ruki otsochnuť, u pokupatiela, mohut...