U ksiandza Hienrycha Akałatoviča aryštoŭvajuć i pradajuć majomaść
Na placoŭcy «Bielurzabieśpiačeńnie», jakaja realizuje aryštavanuju i kanfiskavanuju majomaść, na luty vystaŭleny dva łoty: ziamielny ŭčastak i aŭtamabil, što naležać Hienadziu (hramadzianskaje imia śviatara) Akałatoviču, jaki byŭ niadaŭna vyzvaleny.
Ziamielny ŭčastak u vioscy Novaja Myš Baranavickaha rajona płoščaj 0,12 ha vystaŭleny z pačatkovym koštam 6 600 rubloŭ: piša «Chryścijanskaja vizija».
Tarhi projduć (kali buduć udzielniki) 24 lutaha. U abciažarańniach paznačana: «zabarona ździajśnieńnia rehistracyjnych dziejańniaŭ sudovaha vykanaŭcy».
A voś los aŭtamabila Volkswagen Touran 2007 hoda vypusku ŭžo vyrašany. Tarhi adbylisia 3 lutaha — u ich udzielničali try čałavieki. Mašynu pradali za 12 852 rubli.
Było paznačana: zabarona ździajśnieńnia rehistracyjnych dziejańniaŭ sudovaha vykanaŭcy i aryšt KDB RB. Nahadajem, akramia terminu ŭ 11 hadoŭ ksiandzu za «dziaržzdradu» pa pryhavory suda taksama pryznačyli pakryć škodu ŭ pamiery 1,7 młn rubloŭ — heta kala 500 tysiač jeŭra. U 2021‑2022 hadach na hetaj ža placoŭcy pradavalisia jak minimum dva aŭtamabili, zarehistravanyja na Hienrycha Akałatoviča.
Mahčyma, havorka idzie pra parafijalny aŭtapark.
Probašč parafii ŭ Vałožynie Hienrych Akałatovič byŭ asudžany pa abvinavačvańni ŭ «zdradzie dziaržavie» na 11 hadoŭ źniavoleńnia. U listapadzie 2025 hoda jon byŭ vyzvaleny pa pamiłavańni.
«Lena 20 rubloŭ» uziałasia za staroje: znakamitaja machlarka znoŭ razvodzić davierlivych biełarusaŭ3
Kamientary