Падчас урачыстай вячэры ў Белым доме брытанскі кароль Карл III і прэзідэнт Дональд Трамп абмяняліся серыяй жартаў, якія разрадзілі атмасферу афіцыйнага мерапрыемства.
Найбольшую ўвагу прыцягнуў іранічны выпад брытанскага манарха пра «французскую мову», паведамляе Бі-бі-сі.
У сваёй прамове Карл III адрэагаваў на распаўсюджаны тэзіс Трампа пра ролю ЗША ў сусветнай гісторыі.
«Вы нядаўна адзначылі, што калі б не Злучаныя Штаты, еўрапейскія краіны размаўлялі б па-нямецку», — сказаў кароль, пасля чаго з усмешкай дадаў: «Адважуся сказаць, што калі б не мы, вы б размаўлялі па-французску…!»
Карл III не абмежаваўся толькі гэтым. Ён таксама нагадаў пра падзеі падпалу Белага дома ў 1814 годзе падчас другой англа-амерыканскай вайны, пажартаваўшы, што гэта была «брытанская спроба перабудовы» рэзідэнцыі прэзідэнта ЗША.
Трамп таксама не застаўся ўбаку і пачаў сваё выступленне з кампліменту манарху наконт яго прамовы ў Кангрэсе, дадаўшы жарт: «Вы прымусілі дэмакратаў устаць — я б ніколі не змог гэтага зрабіць».
Цяпер чытаюць
На «Гродна Азоце» скончыў жыццё самагубствам намеснік начальніка цэха1
На «Гродна Азоце» скончыў жыццё самагубствам намеснік начальніка цэха
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары
Цікавым быў іншы выпада учора, каторы НН прапусла, альбо не захацела публікаваць. Сустрэўшы Чарльза у Белым доме, без мікрафонаў, Трамп адразу пачаў абмяркоўваць Пуціна, сказаўшы, што Пуцін хоча вайны і гатовы спаліць увесь свой народ у ёй. Чарльз папрасіў абмеркаваць гэта пазней, без камер. Гэты дыялог прачыталі фізіягнамісты па вуснах, калі камеры здымалі іх здалёк. Таму тэма Украіны і Расіі будзе самай асноўнай на гэтай сустрэчы і бачна, што Трамп ня мае ілюзій.