Padało ŭ adstaŭku mižnarodnaje žury Vieniecyjanskaha bijenale. Heta źviazana z dopuskam na jaho Rasii
22 krasavika žury Vieniecyjanskaha bijenale paviedamiła, što nie maje namieru razhladać u jakaści kandydataŭ na prysudžeńnie pryzoŭ krainy, kiraŭnikoŭ jakich maje namier aryštavać Mižnarodny kryminalny sud. Siońnia ž stała viadoma, što jano ŭ poŭnym składzie padało ŭ adstaŭku za 9 dzion da adkryćcia mierapryjemstva.
U paviedamleńni ab admovie razhladać kandydataŭ na prysudžeńnie pryzoŭ nie zhadvalisia kankretnyja dziaržavy, jakija padpadajuć pad rašeńnie, adnak z udzielnikaŭ bijenale ŭ 2026 hodzie ordary Mižnarodnaha kryminalnaha suda byli vypisany tolki ŭ dačynieńni da kiraŭnikoŭ Rasii i Izraila Uładzimira Pucina i Bińjamina Nietańjachu.
30 krasavika źjaviłasia paviedamleńnie, što žury bijenale idzie ŭ adstaŭku.
«Vieniecyjanskaje bijenale abjaŭlaje, što na hety momant atrymanyja zajavy ab adstaŭcy Mižnarodnaha žury 61‑j Mižnarodnaj mastackaj vystavy In Minor Keys Koja Kua (9 maja — 22 listapada 2026 hoda)», — adznačyli na sajcie vystavy.
U skład žury ŭvachodzili kuratarka, zasnavalnica Videobrasil Sałanž Aliviejra Farkaš (staršynia), kuratarka sučasnaha mastactva Paŭdniova-Uschodniaj Azii Zai Bat, dyrektarka muzieja sučasnaha mastactva MACBA ŭ Barsiełonie Elvira Djanhani Ase, rektarka Škoły mastactvaŭ Čykahskaha instytuta Marta Kuźma i mastactvaznaŭca i kuratarka Džavana Dzapery.
Pryčyny rašeńnia žury ab adstaŭcy aficyjna pakul nie nazyvajucca. Napiaredadni vydańnie Corriere della Sera paviedamiła, što ministerstva kultury Italii nakiruje inśpiektaraŭ u Fond Vieniecyjanskaha bijenale. Pravierka zakranie finansavuju spravazdačnaść arhanizacyi, a taksama dakumientacyju, źviazanuju z paviljonami Rasii, Irana i Izraila.
Paśla adstaŭki žury Vieniecyjanskaje bijenale abjaviła, što cyrymonija ŭručeńnia pryzoŭ, jakaja pavinna była adbycca ŭ dzień adkryćcia 9 maja, projdzie 22 listapada, kali vystava zakryjecca.
Rasija nie ŭdzielničała ŭ bijenale ŭ 2022 i 2024 hadach praz nakładzienyja sankcyi, adnak u 2026 hodzie rasijski paviljon u Vieniecyi znoŭ pavinien adkrycca.
Ukraina vykazała adnosna hetaha pratest, a ŭ Jeŭrakamisii zajavili, što ŭdzieł Rasii ŭ vystavie parušaje režym sankcyj. Za heta bijenale pazbavili hranta ŭ pamiery kala dvuch miljonaŭ jeŭra.
Na Vieniecyjanskim bijenale vyrašyli sioleta znoŭ adkryć rasijski paviljon. Jeŭrasajuz pahražaje adklikać finansavańnie
U Minsku likvidujuć Nacyjanalny centr sučasnaha mastactva
Polšča addała Rasii aryštavanaha archieołaha Alaksandra Buciahina
«Dekałanizacyja — heta pryjści i zaniać svajo miesca». Nasta Rahatko budzie ŭdzielničać u fiestyvali rasijskaj knihi. Sulima jaje asudziŭ, jana nie zmaŭčała ŭ adkaz
Ciapier čytajuć
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam6
Kamientary