Na Vieniecyjanskim bijenale vyrašyli sioleta znoŭ adkryć rasijski paviljon. Jeŭrasajuz pahražaje adklikać finansavańnie
Jeŭrapiejski sajuz surjozna papiaredziŭ arhanizataraŭ Vieniecyjanskaha bijenale pra mahčymyja finansavyja nastupstvy z-za rašeńnia dapuścić udzieł Rasii ŭ vystavie 2026 hoda. Havorka idzie pra hrant u pamiery 2 miljony jeŭra, jaki ES płanuje vydzialać ciaham troch hadoŭ. Kali pazicyja bijenale nie źmienicca, finansavańnie mohuć abo prypynić, abo całkam skasavać, piša Deutsche Welle.
Pryčyna kanfliktu ŭ tym, što Rasija ŭpieršyniu z 2022 hoda, kali pačałasia poŭnamaštabnaja vajna suprać Ukrainy, znoŭ atrymaje mahčymaść adkryć padčas bijenale svoj nacyjanalny paviljon. U Brusieli ličać takoje rašeńnie niesumiaščalnym z ahulnaj palitykaj ES, jakaja nakiravanaja na izalacyju Rasii ŭ adkaz na jaje dziejańni.
Jeŭrakamisija spačatku źviarnułasia da ŭrada Italii, a paśla — niepasredna da fondu, jaki arhanizuje bijenale. Arhanizataram dali 30 dzion, kab rastłumačyć svaju pazicyju i adkazać na pretenzii. Ciapier u ES čakajuć hety adkaz i buduć vyrašać, ci prymać dalejšyja miery.
Pradstaŭniki Jeŭrakamisii padkreślivajuć, što rašeńnie bijenale vyklikała rezkuju krytyku, niekatoryja čynoŭniki ES užo zajavili, što nie płanujuć naviedvać vystavu. Taksama adznačajecca, što viartańnie Rasii razhladajecca jak padryŭ ahulnaj jeŭrapiejskaj pazicyi.
U toj ža čas arhanizatary bijenale śćviardžajuć, što nie majuć poŭnaha kantrolu nad nacyjanalnymi paviljonami, bo jany naležać samim dziaržavam. Kiraŭnictva bijenale taksama padkreślivaje, što mierapryjemstva tradycyjna adkrytaje dla ŭsich krain.
Z rasijskaha boku ŭdzieł padajecca jak nibyta kulturny prajekt, jaki pavinien pakazać, što mastactva isnuje pa-za palitykaj. Paviedamlajecca, što ŭ prahramie buduć zadziejničanyja dziasiatki pradstaŭnikoŭ kultury z roznych krain, a sam prajekt budzie aryjentavany na mižnarodnuju aŭdytoryju.
61‑ie Vieniecyjanskaje bijenale pavinna prajści z 9 maja pa 22 listapada 2026 hoda ŭ Džardzini, Arsienale i inšych miescach Vieniecyi.
«Rusafoby končanyja, vam nie soramna?» Biełaruski brend chacieŭ pradać rasijanam u emihracyi antyvajennyja futbołki — i voś što atrymałasia
Polski sud adobryŭ ekstradycyju viadomaha rasijskaha archieołaha va Ukrainu. Jaho vinavaciać u niezakonnych raskopkach u Krymie
Pasoł Biełarusi ŭ Rasii źbirajecca naviedać akupavany Krym
Michaił Šyškin: «Maja mova stała movaju zabojcaŭ»
«Pieravychavać, militaryzavać i rusifikavać»: Rasija stvaryła biesprecedentnuju sistemu dla vykradzienych ukrainskich dziaciej
Ciapier čytajuć
U Minsku pradajuć dom na vadzie. Kolki prosiać za niezvyčajny abjekt na Čyžoŭskim vadaschoviščy?3
Kamientary