Polšča addała Rasii aryštavanaha archieołaha Alaksandra Buciahina
Jaho aryštoŭvali pa prośbie Ukrainy za raskopki ŭ Krymie.
FSB paźniej paviedamiła, što archieołaha Alaksandra Buciahina, a taksama žonku rasijskaha vajskoŭca abmianiali na dvuch štatnych aficeraŭ małdaŭskaj śpiecsłužby.
Alaksandra Buciahina zatrymali ŭ śniežni 2025 hoda ŭ Polščy na zapyt ukrainskich uładaŭ.
U asnovie spravy suprać Buciahina — raskopki ŭ Krymie paśla jaho anieksii Rasijaj. Kijeŭ pryraŭnoŭvaje ich da źniščeńnia pomnikaŭ. Navukoviec nie admaŭlaje, što vioŭ raskopki biez dazvołu ŭkrainskich uładaŭ, ale kateharyčna nie zhodny z abvinavačvańniem u razbureńni kulturnaj spadčyny.
U intervju BBC jon skazaŭ, što praciahvaŭ pracavać u Krymie paśla jaho anieksii mienavita dla zachavańnia archieałahičnaha abjekta: «Spynieńnie rabot adbiłasia b na stanie pomnika, jaki staŭ by biez nahladu razburacca z-za naturalnych pryčyn, a taksama z-za dziejańniaŭ vandałaŭ i maradzioraŭ».
Buciahin — pieršy rasijski archieołah, zatrymany z-za raskopak u Krymie, ale daloka nie adziny, kaho Ukraina padazraje ŭ parušeńni zakona.
Ciapier čytajuć
«Na karabli kožny dzień — paniadziełak». Biełaruska raskazała pra svaju pracu na kruiznym łajniery4
Kamientary
Tut inšaje pytańnie: kudy addali vykapanaje? U Rasiju? Nu, dyk heta kradziož čužoj ułasnaści.
Asabista suprać Buciahina ničoha nie maju, ale škada, što nie daviali spravu da suda i nie stvaryli precydent. Chto stajaŭ za tymi raskopkami? Chto prymaŭ rašeńni? A Buciahin chaj sabie kapaje svoj Rym i nie lezie ŭ durnyja spravy.