Papularnuju vizažystku z Hrodna asudzili da piaci z pałovaj hadoŭ kałonii pa vaśmi palityčnych artykułach
Natalla Čuboŭskaja trapiła za kraty pa abvinavačvańni ŭ sadziejničańni i finansavańni «ekstremizmu».
Natalli Čuboŭskaj 45 hadoŭ, jana žyvie ŭ Hrodnie. Doŭhi čas pracavała prafiesijnaj vizažystkaj, hrymiorkaj i butaforkaj. Žančyna stvarała viasielnyja vobrazy i prymała klijentak u miascovym sałonie pryhažości. Taksama jana ŭdzielničała ŭ adkryćci art-studyi Le Grand.
Natalla Čuboŭskaja — viadomy ŭ horadzie nad Niomanam čałaviek. U jaje instahramie bolš za 9 tysiač padpisčykaŭ, u žančyny šmat klijentaŭ i svoj sałon.
Čuboŭskuju aryštavali 25 žniŭnia 2025 hoda i źmiaścili ŭ SIZA. Jaje abvinavacili pa vaśmi palityčnych artykułach — «finansavańnie ekstremizmu» (č. 1 i 2 art. 361‑2 KK), «sadziejničańnie ekstremizmu» (č. 1 i 2 art. 361‑4 KK), «paklop na Łukašenku» (č. 1 i 2 art. 367 KK), «abraza Łukašenki» (č. 1 art. 368 KK), «raspalvańnie varožaści» (č. 1 art. 130 KK), «abraza pradstaŭnika ŭłady» (art. 369 KK), «abraza sudździ» (art. 370 KK) i «ŭdzieł u dziejańniach, jakija hruba parušajuć hramadski paradak» (č. 1 art. 342 KK).
Hrodzienski abłasny sud pryznačyŭ joj surovaje pakarańnie — 5 hadoŭ i 5 miesiacaŭ kałonii ahulnaha režymu. Akramia taho, joj prysudzili vielizarny štraf — 22500 rubloŭ.
Masavyja palityčnyja represii ŭ Biełarusi praciahvajucca z 2020 hoda. Tady Alaksandr Łukašenka prajhraŭ Śviatłanie Cichanoŭskaj, ale nie addaŭ uładu i pačaŭ pieraśledavać niazhodnych.
Pa słovach hienieralnaha prakurora Andreja Švieda, tolki da kastryčnika 2023 hoda było zaviedziena bolš za 16 tysiač kryminalnych spraŭ «ekstremisckaj skiravanaści», heta značyć, palityčnaha charaktaru.
Zhodna ź infarmacyjaj Paŭła Łatuški, pradstaŭnika Abjadnanaha pierachodnaha kabinieta, z 2020 hoda represii zakranuli 136 tysiač čałaviek. Niekalki socień tysiač biełarusaŭ vymušanyja byli vyjechać z krainy.
«Ekstremizmam» ułady Biełarusi ličać padpiski na niezaležnyja kanały, ŚMI, najaŭnaść spasyłak na ich u sacyjalnych sietkach ci najaŭnaść u sacsietkach abo na rečach biełaruskaj nacyjanalnaj, dałukašenkaŭskaj simvoliki. Da «ekstremizmu» zaličvajuć taksama praktyčna ŭsialakuju krytyku ŭładaŭ, aficyjnych histaryčnych naratyvaŭ ci prajavy salidarnaści z Ukrainaj.
«Naša Niva» — bastyjon biełaruščyny
PADTRYMAĆ
Zatrymali čarhovaha čałavieka hoda Viciebščyny, deputata Viciebskaha abłsavieta Dźmitryja Kalahu7
Zatrymali čarhovaha čałavieka hoda Viciebščyny, deputata Viciebskaha abłsavieta Dźmitryja Kalahu
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich1919
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich19
«Da lejtenanta pryjechała maładaja žonka, pabačyła, što adbyvajecca ŭ zonie, i zastreliłasia». Vyjšła zaklučnaja častka ŭspaminaŭ Ryhora Biarozkina pra HUŁAH i saviecki Minsk1818
Kamientary
Kouł i Tramp eto ponimajut i vchodiat v połožienije hospodina priezidienta łukašienko, tak zvučit v ich zajavlenijach.
Chorošij biźnies pridumał i naładił łukašienko, prodajot političieskich rabov i političieskich załožnikov Trampu.
[Zredahavana]